黎明演唱會｜金句王紅館開騷Talk足廿分鐘首場合唱《蒙著嘴說愛你》召喚姜濤

文：東方新地｜圖：經濟一周、東星、新傳媒圖片庫

相關文章：林日曦現身黎明演唱會做第三場嘉賓拖手合唱《但願不只是朋友》事後向觀眾「道歉」

黎明演唱會｜《夏日傾情（1993）》vs《蒙著嘴說愛你（2020）》

黎明「Talk & Sing 2021紅館演唱會」首場邀請了林海峰做嘉賓，兩人本來合唱LEON的1993年冧女金曲《夏日傾情》，點知唱到中間曲風一轉，忽然唱出姜濤首熱爆金曲《蒙著嘴說愛你》，現場氣氛旋即變得更熱烈！呢個合唱版連姜濤都有聽到，仲喺IG Story分享咗講多謝！

黎明首場嘉賓找來林海峰，「林狗」與LEON合唱姜濤的《蒙著嘴說愛你》現場旋即盛傳姜B有機會於尾場壓軸嘉賓！（圖片來源：Donald IG） — 黎明首場嘉賓找來林海峰，「林狗」與LEON，兩位加埋108歲的大叔合唱22歲姜濤的《蒙著嘴說愛你》現場旋即陷入瘋狂！場內更盛傳姜B有機會於尾場擔當壓軸嘉賓！（圖片來源：Donald IG）

姜濤在IG連出兩個Story表示感激黎明與林海峰的合唱，其後再轉發當奴拍攝到的角度。（圖片來源：姜濤IG）

首場嘉賓林海峰合唱《蒙著嘴說愛你》

林海峰在IG分享了首場幕後花絮，更公開了開騷前兩個禮拜，與LEON有以下真實對話：

J：多謝你邀請我做嘉賓，但係金句王面前我真係唔知噏咩喎？
L：唏jan⋯噏咩，Up to you la 。
J：咁⋯（硬食）好啦，到綵排時我再大概話你聽噏咩啦。
L：唏⋯jan，綵排綵排都不及天意安排啦。
J：（完）

下一頁：林日曦現身黎明演唱會做第三場嘉賓拖手合唱《但願不只是朋友》事後向觀眾「道歉」

重溫黎明金句、句句實用！

黎明金句，第一次睇唔明，睇多幾次，就發現其實好親民、好有道理同好實用，有網友甚至表示「想當年睇佢d金句淨係係到笑，今日睇呢堆金句幾有哲理」，你哋最鍾意邊句？睇睇網民如何評價「LEON的哲學」：

未完！細數黎明作為老闆10大好人好事！

早年有指黎明在16年以匿名方式捐錢幫助牛頭角迷你倉大火殉職消防員遺屬，而之前也有報道指一位自稱曾係李嘉欣助手及為黎明工作嘅女士Queenie，指22年前跟黎明到北京工作點知期間突然小產，幸得黎明出錢出力幫手先逃過死門關！事隔多年對方想向大恩人黎明表達謝意，而黎明續拋金句回應：

「害過人嘅嘢一定記得，幫過人嘅嘢唔會記得，但一定冇害過人，所以我唔記得。」

黎天王為人及行事低調，做過嘅好事又點止咁少！黎明堪稱圈中最仗義疏財藝人之一，而且佢曾說：「如果錢解決到問題，就唔係問題！」Leon果然講得出做得到，所以好人好事又點止咁少，依家為大家逐一細數！

01.堪稱圈中最好老闆豪包助手婚宴酒席及首期

跟隨黎明身邊廿年的助手，當年係黎明中學同學，助手本身家貧，工作又不如意，適逢黎明入行，聘請他做助手，薪金亦不俗，二人相知相交，到助手大婚，Leon送了份厚禮，就是一張無銀碼的支票！講明任助手自己填，他早已視助手係兄弟！結果有傳助手唔好意思填，最後Leon包起他婚宴所有使費！咁都未算豪，Leon之後再送錢俾助手置業築愛巢，咁好老闆去邊到搵？

2.七位數醫助手

有位助手跟Leon工作期間，突然患重病，Leon得知後即叫對方放長假休養，更自掏腰包七位數助對方醫病，可見Leon有幾咁仗義疏財，可惜其前助手最終不敵病魔離世。

3.胸襟廣闊EQ超高

從前有一職員K跟隨Leon多年，出名是Leon團隊中的笑柄，撞板多過食飯，有次Leon到電視台錄影慈善節目，要唱改編歌詞的歌，叫阿K舉大字布以防錯漏，點知大字布係有，但成張倒轉咗，任由Leon台上打眼色，阿K都無動於衷，事後黎明不但無鬧爆佢，只係笑笑就算。另有次Leon胃部唔舒服，叫阿K幫手買「消化餅」(即係胃藥)，阿K一去就幾粒鐘，返到嚟帶嘅竟然係「麥維他消化餅」，令人哭笑不得！雖然唔少高層都睇唔過眼叫Leon炒阿K魷魚，但Leon不但冇炒阿K，反而依然對阿K十分好！