黎明新寵曝光 直擊女助手返黎宅
廣告
黎明2012年與樂基兒離婚，過了六年鑽石筍盤生活，原來去年已逢第二春！本刊收到可靠消息，51歲黎明去年初暗交失婚女助手Wing Chan，女方細細粒皮膚黝黑似迷你版樂基兒，旋即獲黎明寵幸，更入主黎明揸旗的AMusic唱片公司，光速由助手升呢做營業部經理。現時Wing更進駐黎明位於上水雙魚河St.Andrews Place的6千呎獨立屋，坐正做話事人！【最新消息：黎明新寵Wing Chan 陀B六個月！】
黎明與樂基兒的那些年
當年與樂基兒(Gaile)拍拖，黎明愛得高調，雖然雙方性格南轅北轍又相差13年，仍不時拖手外遊放閃，知道Gaile鍾意去沙灘滑水，黎明會陪她去峇里，知道Gaile熱愛滑雪，黎明會帶她去北海道，全世界都知他錫到Gaile燶。
不過離婚後二人形同陌路人，去年8月Gaile在加州再婚嫁商人，黎明一句祝福都無。
黎明女助手新寵曝光
外界都以為黎明未走出情傷，但其實他去年已有著落，與其唱片公司AMusic的女助手阿Wing過從甚密！獲黎明寵幸的阿Wing進駐上水雙魚河St.Andrews Place的6千呎獨立屋，又在AMusic身居要職。早前本刊記者直擊阿Wing獨自駕車離開黎明寓所，返回AMusic位於觀塘的辦公室，她把車停泊在公司的專用車位，絕非小職員應有的公司福利。
公司打晒骰
據知除了黎明多年的助手子泉及御用司機阿B外，阿Wing已成為有影響力的公司決策者，入主AMusic做營業部經理，負責管人。又指黎明每次出埠工作，阿Wing都會主動想跟在身邊，但黎明都為免太高調而煞停，即使在香港外出時亦安排分車坐。
相差19年無代溝
阿Wing只有約32歲，比黎明年輕19年，不過二人絕無代溝，早前黎明出席活動時表示對感情事沒有想太多：「唔諗咁多，諗就唔嚟，唔諗就嚟。」出席內地節目時被問到他對未來老婆要求時，他認為30歲以上易溝通：「唔要外國人喇！ 外國人太鍾意離婚喇！」阿Wing年過三十又係本地屋邨妹出身，符合晒黎明要求，難怪咁得寵！
阿Wing冇家底，樣貌身材都唔算好突出，勝在陽光十足又主動熱情，在其IG內可見她以前喜愛夜蒲及晒身材。
