包皮、浩南哥撐細細粒！ 黎姿開旗艦店 古惑佬鄭伊健驚喜到賀
撰文：東方新地 ｜圖片：新傳媒圖片
「浩南哥」撐「細細粒」！ 黎姿開分店 古惑佬鄭伊健驚喜到賀
馬黎珈而（前名黎姿，Gigi）昨日為其第3間醫學美容中心舉行揭幕禮，好友林保怡、張可頤、伍詠薇、向海嵐與張晉等人皆有到賀。對於多位圈中朋友抽空到賀，Gigi表示感激，當鄭伊健及林曉峰拿着香檳出現時，她更頓時眼泛淚光，林曉峰則笑指有工作人員叫他將香檳倒轉拿，就會令Gigi發笑，她即忍不住笑說︰「依家又唔係劈友！」場面溫馨又搞笑。
少見伊健 多見蒙嘉慧
談到鄭伊健驚喜現身支持，Gigi坦言好多年未有跟伊健見面，反而常常跟對方的太太蒙嘉慧聯絡，又表示因為已做媽媽要照顧小孩所以少了見朋友，但這份友情一直保持沒有改變。她說：「見到好多幕前朋友支持我，我好感動。年紀大了，以往我會好感動會喊，現時在心裏面好感動，非常之多謝他們。」
第一部《古惑仔》電影在96年上映，首映場在古惑仔的聚集地尖東的戲院舉行，結果引來大量「古惑仔」到場支持，票房狂收2100萬，成為當年電影票房的一頭黑馬。
《古惑仔》電影故事除咗講兄弟情義和黑幫仇殺外，仲有感情戲。男主角陳浩南(鄭伊健飾演)和女主角細細粒(黎姿飾演)互相深愛着，細細粒同浩南試過避開黑幫仇殺，細細粒不慎差錯腳而跌落樓而昏迷，之後一度失憶幸好都醒番！
但跟得黑社會大佬點會好下場！江湖老大鄭浩南要浩南親眼看見自己心愛的人被亂槍射殺而死，好慘呀！
依家幾位古惑佬都一齊周圍做巡迴演唱會，賺唔少，但最重要係佢哋個個都Keep得好好！
自胞弟黎嬰發生車禍後，黎姿代弟打理公司，到今日發展到上市，黎姿致辭時感慨話，自己從人手管理到會計財務學到好多知識，亦希望做到良心企業醫學美容：「我要特別感激身邊兩位重要人，第一個係我細佬（黎嬰），因為佢開始咗呢個醫學美容平台，畀我發揮創造自己空間。第二個係我老公（馬廷強），佢畀咗好多自由空間我去發揮，發展今日更好嘅GiGi。」
黎姿現改名為馬黎珈而，14歲時因參與電影《開心鬼放暑假》而入行，2009年退出娛樂圈，與商人馬廷強結婚，其後生活美滿，婚後一直低調的她亦落足心機照顧3位囡囡同家人。
而家46歲的Gigi完全可以稱得上做「凍齡女神」，外貌十年如一日, 一啲歲月痕跡都睇唔到，認真恨死一眾女性！
11年代弟弟經營醫學美容中心CosMax，她不單經營有道，之後公司更正式上市，轉戰商界成為上市公司CEO，家庭、事業都咁成功，確係一位女性的模範代表！
