無綫重拍《法證先鋒IV》損失逾千萬！黃心穎連累XXX重演大量喊戲

撰文：東方新地 圖片：新傳媒圖片、Instagram

黃心穎累無綫損失逾千萬

黃心穎被爆偷食人夫許志安，全城插爆佢係小三、姣精，有網民表示心穎影響香港小姐嘅形象，希望無綫褫奪其港姐后冠！不過無綫高層樂易玲說因黃心穎形象插水，其工作及劇集一律要抽起：「商演、出埠登台工作都換了其他藝人取代，幸好客戶很好沒要求賠償。」講到會否解約，樂易玲話公司暫時未有此考慮，但直言黃心穎短時間內唔會復工。

姣Wing 避走美國

安心偷食醜聞後，潛水多日嘅心穎為了掩人耳目，避開傳媒追訪，特地由香港去澳門先飛去菲律賓，再轉機往美國。有指於美國紐約出生，在加拿大大學畢業並在當地擁有物業的心穎，計劃在當地讀短期演藝及導演課程，而公司忙於為她收拾爛攤子⋯⋯

《法證先鋒IV》下月重拍

近年升呢做女一嘅黃心穎，之前拍咗4套新劇未出街，包括《堅離地愛堅離地》、《丫鬟大聯盟》、《牛下女高音》和《法證先鋒IV》，原本《堅離地愛堅離地》接棒《鐵探》播出，但目前已被抽起改播《婚姻合伙人》，而TVB年度重頭劇《法證先鋒IV》因為一早跟內地簽合約，於11月中港兩地同步播出，為免影響播放計劃，據悉TVB決定重拍，由於黃心穎在劇中飾演一名記者妹屬第三女主角，與黃浩然以及鄭希怡有三角感情戲份，故戲份唔少，當中包括7日台灣外景，預計損失超過1千萬。

李施嬅捱義氣「回巢」重拍

劇組已就重拍一事通知了受影響的同劇演員，包括黃浩然、李施嬅、黎燕珊及譚俊彥等，其中早前宣佈離巢的李施嬅也答應回巢幫手重拍劇集，而劇組正物色女演員頂替心穎嘅角色！

黎燕珊補拍喊戲

黃心穎偷食，連累同劇演員的心血白費，當中同佢有對手戲嘅黎燕珊也表示收到通知要重拍，而她與心穎對手場數不自算太多，但都是有很多喊戲，她慶幸重拍未有打亂原本工作計劃。

「安心偷食」爆出的前一星期，黃心穎身在馬來西亞為好友黎諾懿做《懿想得到》嘉寶，而由於節目有有大馬當地的旅遊發展局及不少贊助商參與，有贊助商擔心她品牌形象，所以無綫要自資抽起心穎部分重拍，為減低公司損失，所有行程要慳得就慳及要縮短行程。

至於頂替人選方面，黎諾懿找來好兄弟楊明幫忙，所以二人將再赴大馬重拍節目！

04年楊明和黎諾懿在劇集《十兄弟》中飾演「千里眼」和「高腳七」而成好友，及後06年黎諾懿拍《溏心風暴》期間遇上事業低潮期，一度要靠食麵包當三餐、租住紅磡劏房，幸得好兄弟鄭伊健及楊明幫忙度過難關咋！