【鬼同你上位】Angus鬧喊Aki被網民指八婆上身 Angus直認：我係臭X港女

《鬼同你上位》8女著bra top探靈

《鬼同你上位》是ViuTV近期的話題作，8名想在娛樂圈上位的女參賽者在節目中（後來一名退出），著住bra top行夜山探靈、玩碟仙，被指過火又踩界，不過一班女參賽者打扮惹火，《鬼同你上位》成功成為網民焦點，引起話題。最近一集鏡頭前繼續deep v惹火上陣，鏡頭後更火花四濺。

《鬼同你上位》探靈變兩女嘈交

《鬼同你上位》最近一集中，Aki(陳綺雯）在遊戲中輸了要接受冥婚大懲罰，主持火火等人未講完，Aki已經登時爆喊不停擰頭拒絕，又背向鏡頭狀甚委屈，火火隨即話：「可能有啲義氣靚女例如Mangie、Angus幫你替呢﹗」隨即轉向問Angus（張若錡）：「你可以嘅係咪？」Angus答：「你喺佢喊晒時問我，我都要接受啦﹗」

火火等主持話可以問大膽又新加入的Angus是否願意頂替，Angus顯得不大情願：「佢喊到咁你哋嚟問我，監生要我頂替，我都冇得拒絕啦﹗」

硬食Angus扮喊寸Aki

火火再次確認Angus是否願意頂替？又話：「你有選擇權利嘅﹗我哋可以問另一個﹗」Angus寸嘴本色不減，七情上面作狀扮喊話：「我都可以喊㗎﹗」，火火話：「呢個圈係咁，今次你幫佢，佢第日都有機會幫番你﹗」聽完此話，Angus就答可以頂替Aki接受懲罰﹗

Angus寸寸貢扮嘁：「我都可以扮喊㗎﹗」不過聽到火火話：「呢個圈係你幫下我我幫下你」之後，Angus就答肯頂替Aki接受懲罰。

Angus鏡頭前答應鏡頭後寸嘴鬧喊Aki

鏡頭前以為已經擺平，鏡頭後，Angus相當唔順氣，更同Aki對罵，令本來情緒稍為平復的Aki又再委屈爆喊，Angus瞪大雙眼話：「其實冇人係想頂，唔好以為喊就係慘等如可憐，唔玩得咪玩，唔好參加，專業少少得唔得？」Aki抺住眼淚話：「咁我自己做番，我唔想人哋喺鏡頭前話應承幫我頂，依家又話到我迫緊佢咁囉，咁我專業少少自己做番囉﹗」Angus高八度話：「喂﹗我依家冇話唔幫你喎﹗」火藥味濃﹗唔少網民睇完預告片都忍唔住留言鬧爆Angus成個八婆，怪佢好鬧爆Aki。

Angus一時舉起雙手露胳肋底，一時又八婆式伸手，加埋凌厲眼神，肢體動作多多，難怪被網民指八婆格。

Angus：「畀你哋睇到最真實嘅一面﹗」

被網民指係八婆的Angus，亦不甘示弱在其IG即時動態回覆直認當時躁底，「當時Aki仲喊緊，我就有啲躁底，都幫手頂咗仲喊乜鬼，所以就鬧佢，係我太火爆，一嘢就爆落去，當下我係覺得拍得就預咗玩恐怖嘢，唔玩得一開始可以唔接，不過後尾知佢有say過NO，我都有同佢解釋番，對事不對人，有火花先好睇……令你哋覺得我係鬼X港女唔好意思，我係咁㗎啦，畀你哋睇到最真實嘅一面…」

Angus被網民喪插八婆、港女、無禮貌、寸寸貢，不過亦有網民替Angus要硬食而唔抵，更指Aki成功以喊功擺脫大懲罰，相當可恥﹗

Angus在IG即時動態回覆網民的指控，她雖指後來得知Aki在節目前有拒絕過，有向她解釋今次是「對事不對人」，又認自己係「火爆、躁底」，但亦無認錯，只係指真人騷有火花先好睇﹗

32D寸嘴Angus台灣出寫真集

《鬼同你上位》最新一集兩女嘈交固然精彩，被指八婆上身的Angus，網民的焦點落在佢八婆的嘴臉上，更落在其32D豐滿上圍，Angus，今年24歲，其IG出po大多是身穿比堅尼、打扮性感的相，大騷其四吋深溝，去年更獲台灣出版商睇中為她出過寫真集，據稱投資過百萬，台灣取景。為了入行而拍寫真，Angus早前與鄧洢玲（阿旦）、蕊蕊、鄧伊婷（Irina）等為微電影《下一秒，追到你》拍攝。今次參加《鬼同你上位》便是想借節目提高知名度。