獲麥玲玲贈言明年搵到真命天子 馮盈盈：真係充滿希望！
文：東方新地｜圖：東星圖片、新傳媒相片庫
馮盈盈：佢話我來年愛情運好好
馮盈盈日前出席無綫節目《天天開運王》宣傳活動，獲麥玲玲師傅贈言，指她應該在2022年有機會搵到真命天子，對此馮盈盈笑言：「佢話我來年愛情運好好，咁做藝人桃花運除咗愛情，工作同貴人都係人緣桃花，佢都話我事業新一年會更加好，真係充滿希望。暫時未搵到Mr. Right之前，我就專心工作，唔諗呢啲，直到遇到先再諗啦！」
被問到擇偶條件？馮盈盈續說：「多謝大家關心我嘅愛情發展，一定要幽默搞笑，令我開心，大家一齊相處開心係最重要嘅。」
而提到曾拍拖四年的舊愛鍾文浩（Martin）日前舉行婚禮，馮盈盈大方送上祝福說：「係喜事，祝福佢哋，除咗祝福都係祝福。」
新聞多係好事
馮盈盈說新一年希望少一點是非：「我請教過節目入面五位玄學家，佢哋話呢個世界冇咩係冇得化解，不過師傅話新聞比較多其實係好事，證明我有人氣、有Talking Point，我可以好自信咁講，永遠有我嘅新聞，無論瀏覽度、討論度、分享同Like都特別多，多謝大家關注。」馮盈盈又否認自己係「新一代姣精」：「只係啲人話我係啫，唔代表我係，冇一個人係！」
麥玲玲師傅又為大家提供新一年的開運錦囊，表示在西面放大葉或水種植物可增財運，北和東南方不要動土以免影響健康，想要桃花就在南面放鮮花。她指整體上大家經濟及各方面都比去年好，不過屬羊的藝人拍動作戲時要加倍小心，容易遇到意外損傷。
麥玲玲又指結婚已近六年的Angelababy（楊穎）與黃曉明婚姻依然有風險，她說：「佢兩個都係屬蛇，相差12年，除非聚少離多，否則長期壓力都好大，非常困難兼要花時間去溝通，我睇係高風險嘅一對。」
舊愛舉行簡單婚禮
馮盈盈的前度醫生男友鍾文浩（Martin）與有「翻版徐子淇」之稱的黃潁妍（Ashley）在上月30日於愉景灣酒店舉行簡單婚禮，由於疫情關係，現場只有雙方約十數名親友出席見證兩人簽紙結婚，有指Ashley已辭去空姐工作，準備婚後安心做少奶奶。
