逆天奇案｜馮盈盈被批演技浮誇英文狂加R扮鬼妹馮盈盈三字回應

馮盈盈《逆天奇案》一號表情冏樣睇到厭

馮盈盈飾演的Ana是一名黑客，為查「殺虎案」協助陳展鵬破案，馮盈盈低胸短打性感打扮去埋魏豐集團副主席陳少邦身，結局篇戲份全集中在她身上，早前一集全集幾乎她個人騷，可惜被網民狠批為表現自己，而用力過度，批評她演技未夠班，面部表情太過浮誇，連眼神都浮張過人，但來來去去得兩個表情，一係八字眉冏樣一係擘對大眼，觀眾睇到厭。

馮盈盈逆天奇案浮誇 — 馮盈盈話被解僱「就快要瞓街啦﹗」，陳少邦立即請她任他的私人助理，成功埋身第一步﹗（圖片來源：《逆天奇案》截圖）

馮盈盈被批「佢個人就係浮誇」

網民狠批馮盈盈「太作狀」、「演中學舞台劇咩對眼係咁擘大做乜？」、「好假又造作﹗」、「點解差過反黑路人甲咁多」、「博表現玩突出，反而適得其反」、「睇陳展鵬好入戲，一配馮盈盈突然變咗兩個世界嘅人，立即投入唔到」。

網民批馮盈盈拖累陳展鵬

馮盈盈二號表情碌大對眼最浮誇

馮盈盈被批說話含糊不清

馮盈盈唔止演技被批評，網民更指她咬字不清，太多懶音，為演飾外國返來的女子，講英文便瘋狂加入R音，有網民指「唔係下下加R音就係外國人，好造作﹗」、「廣東話又唔正，講英文又刻意拉長個尾音同大聲，同後期配音又唔夾口型」、「演啞妹可能會好啲」、「一聽到佢把聲就想熄電視」、「點解佢演戲都係做番自己，聲大大拉高八度，嘈到死以為睇緊《後生仔》」

網民：大大聲R音講英文

馮盈盈被質疑講錯對白

《逆天奇案》香港和大馬同步播放，有網民對馮盈盈講對白與字幕不符感到好奇怪，更質疑她講錯對白，馮盈盈在其中一集話：「想當年我行走『漿湖』」而字幕是出現「想當年我行走江湖」，有大馬網民留言問馮盈盈係講錯對白，更指是「配音惹的禍」、「在電視聽到時感到怪怪的」、「我以為我聽錯﹗」不過有網民解釋「行走漿湖」是港人說法，不過同樣被質疑指馮盈盈外國返來，應該不懂地道說法，總之大家對馮盈盈表現有很多不同意見﹗