馮盈盈撇鄭衍峰後有新歡 被爆密會西裝男歎意菜

文：東方新地｜圖：馮盈盈IG、新傳媒圖庫

馮盈盈：依家出去食飯一定係撐枱腳

現年26歲的馮盈盈入行僅四年多，繼與曾拍拖4年的鍾文浩（Martin）分手後，最近又傳為保前途與緋聞男友鄭衍峰甩拖，日前馮盈盈又被爆與一名西裝男密會，疑似有新歡出現。據知當日馮盈盈與該名西裝男在中環一間意大利餐廳共晉午餐，傾足近兩小時才離開。

據知該意大利餐廳為米芝蓮三星餐廳，午餐的人均消費為1,500港元，當日馮盈盈與一名留鬚著西裝的事業型男士坐於該餐廳角落中的隱蔽位置，有指在兩人進餐期間，大部分時間都是馮盈盈在說話，而西裝男則以笑容回應，馮盈盈更被指不時冧笑，又含情脈脈望住對方。

不過馮盈盈就否認西裝男是其新歡，她表示：「只係普通朋友，我向佢請教投資意見，順便食餐飯啫，係討論完公事，先閒談咗幾句，而且同朋友食Lunch係正常社交，限聚令只准兩人一枱，依家出去食飯都一定係撐枱腳啦。」

馮盈盈續指大家大驚小怪：「見面食個飯，都要講到係新歡？其實有冇考慮過我朋友感受？我隨時拉低佢可發展對象嘅平均質素，影響到我朋友個Market，佢又唔係圈內人士，希望大家講我好啦，請唔好再打擾到佢。」

鄭衍峰:我請佢食過二百幾餐飯

馮盈盈的前緋聞男友鄭衍峰亦有對此事作出回應，他表示：「朋友約食飯都好正常啫，我都會約其他女性朋友飯敍！」得知西裝男請馮盈盈所食的午餐價錢起碼要3,000港元，他續說：「我諗咁多年我喺TVB canteen請佢食嘅飯加加埋埋都唔止呢個數，都有二百幾餐㗎！」

堅拒將戀情浮面成導火線

馮盈盈與鄭洐峰地下情一直穩打穩紮更懶理高層愈戀愈高調，不過有指到去年尾二人再為是否公開戀情有拗撬，一向希望事業上揚的盈盈以照顧家人為由，決心搬離愛巢遷往將軍澳區千呎海景寓所，事後雖然未完全斷纜但女方已經有分手之念，有傳他們在電視城化妝間吵架被多人目擊，傳至高層耳邊，被急召照肺，最終盈盈決定狠斬情絲分手收場。

馮盈盈將鄭洐峰降呢為同事

對於被傳在電視城內吵大鑊致被無綫高層樂易玲照肺，馮盈盈回應時否認事件，稱應該當時是在練習《#後生仔傾吓偈》的講稿，而對於與鄭洐峰分手一事，她則笑住回應「哪來的分手？」更強調與鄭從來只是同事同朋友的關係，而鄭衍峰則謂二人從來都是朋友及拍檔，更大方為盈盈台慶頒獎禮視后提名拉票：「記得頒獎禮投票畀佢啦。」