【後生仔傾吓偈】馮盈盈過夜價 不敵大咪女主持

撰文：東方新地 圖片：藝人ig及無綫片段截圖

想撲出去澄清

其中一集《後生仔傾吓偈》以「做藝人係咪要面皮夠厚？」為題，當時有朱智賢、胡鴻鈞、劉佩玥做嘉賓，朱智賢提及曾在討論區見到「幾錢一晚」的題目，覺得好嬲，對於女星被問價一事，陸浩稱時有發生，但朱智賢聽反應超大謂：「咩好多女星都有？我唔係做開呢啲嘢㗎嘛！佢哋好似assume我係做呢樣嘢咁！」更表示每次見到類似留言都極有衝動為自己澄清一番。

盈盈愛探討過夜價

見到朱智賢突然激動，馮盈盈表示︰「我知道點解嬲，佢係咪開得太便宜？試過有人inbox問我五百蚊過夜得唔得？」此言一出，全場人笑唔停，連本身嬲嬲豬的朱智賢都忍唔住謂︰「咁我又冇咁低價。」馮盈盈表示因為被出價五百元一事，覺得不被尊重，已即時將對方封鎖。

半年後，馮盈盈又再以「市場調查」為由，自然探討「被問價」題目，今次主持之一的波波(黃凱儀)，突然展示自己手機，盈盈看罷即「嚇親」一副冇眼睇表情，原來波波曾收到陌生男子inbox不雅照片。

波波又自爆不時被問價，她謂：「有人試過開五位數字per hour(每小時計)俾我，乜都唔使做，我個friend仲講笑話，咁不如同佢搭巴士過東隧，剩係塞車都起碼大半個鐘！」

此時馮盈盈又再憶起當日被開價五百的經歷，一提當場失笑！

過萬波波勝盈盈

今年22歲卜卜脆的「波波」黃凱儀，除了是《後生仔》常駐主持外，亦為Big Big Channel旗下KOL，曾上無綫健康節目《食得好健康》同商台903節目《公子會》等做嘉賓。

波波為香港城市大學專上學院學生，人如其名，身材波濤洶湧，間中以低胸上衣短裙上節目，不過又未算愛露派。

其言行作風大膽，多次在節目中爆出金句，曾經自爆在家唔著衫周圍走，又話鍾意攬實細佬一齊沖涼，句句引人入勝，難怪「乜都唔使做」都有人開價五位數。