2024年Google香港年度搜尋榜｜林明禎緋聞加失場僅得第X位床哥靠2件事上榜

林明禎連環出事霸第2位

「大馬女神」林明禎今年可為話題十足，除咗年頭宣布因病停工外，復工後嘅林明禎與MIRROR人氣成員呂爵安（Edan）嘅緋聞，就火速成為網民熱議嘅焦點。不過林明禎近日就再陷缺席其主演嘅電影《手機見鬼》首映風波，因此一舉彈上第2位亦十分合理！

香港年度林明禎今年屢陷緋聞及首映no show事件，話題十足一舉彈上第2位。（圖片來源：ig@minchen333） — 林明禎今年屢陷緋聞及首映no show事件，話題十足一舉彈上第2位。（圖片來源：ig@minchen333）

李龍基「深情基」等嫩妻奪第3位

74歲李龍基情陷36歲未婚嫩妻王青霞（Chris）今年同樣引起唔少討論，王青霞於6月時更被控逾期居留、及使用虛假文書等共7項控罪被判入獄25個月。而愛妻心切嘅李龍基無論係於庭外嘅訪問，定係出席唔同活動時突然爆喊都引起極高討論，第3位都確實實至名歸！

香港年度李龍基月初出席活動睇見未婚妻親手整畀自己嘅泥公仔時，更一度睹物思人淚灑當場，要馬國明上前安慰！（圖片來源：大會提供） — 李龍基月初出席活動睇見未婚妻親手整畀自己嘅泥公仔時，更一度睹物思人淚灑當場，要馬國明上前安慰！（圖片來源：大會提供）

Loong 9出道賜「龍子」稱號搶fo奪第4位

TVB選秀節目《亞洲超星團》誕生嘅男團Loong 9今年3月正式出道，團體出道後每位成員都獲賜「龍子」稱號，例如冼靖峰就獲封妙音龍子，超出眾稱號十分搶fo。此外，Loong 9嘅首個粉絲見面會票價貴過MIRROR亦引起網民熱議！

香港年度 LOONG 9於6月曾在香港舉辦過拍手簽名會，亦是12位成員首次一同現身的活動。（圖片來源：微博@loong9_official） — LOONG 9於6月曾在香港舉辦過拍手簽名會，亦是12位成員首次一同現身的活動。（圖片來源：微博@loong9_official）

10大本地娛樂名人完整名單

除咗上述嘅4位娛樂名人之外，今年嘅榜首就由於電影《九龍城寨之圍城》飾演信一嘅劉俊謙奪得。第5位則係今年宣布離婚兼被前妻歐倩怡控訴「痰罐」事件嘅郭晉安，而第6及第7位就分別由《九龍城寨之圍城》中飾演王九嘅伍允龍、及飾演陳洛軍嘅林峯奪得。而榜單嘅第8位由在TVB台慶劇《黑色月光》中飾演蔣基俊嘅馬志威獲得。第9位係與鄭中基陷疑似偷食風波嘅何慶湘（湘姐），而第10位則係由《中年好聲音2》冠軍古淖文獲得。

「郭Sir」不倫戀震驚全港兼成榜上第4位

今年2月有網民在連登討論區發帖，以「教練郭sir與女學生X野」為題，揭露余振強紀念第二中學籃球隊教練涉嫌與未成年學生發展不正當關係。帖文中提到，這位名為「郭sir」的教練，不僅在社交平臺上曬出與女朋友的甜蜜照片，現在竟然傳出與女籃學生有染，令人震驚。網民們對此事議論紛紛，社會關注度急速升溫，其後警方介入事件，討論貼子隨即下架，該教練亦已暫停職務。