衛詩雅結婚｜婚戒戴錯手蝦碌百出 新郎哥冧爆重提追老婆大人
廣告
第二度入圍金像獎影后的衛詩雅與醫美醫生周祉安，今日（16日）於香港中半山的聖母無原罪主教堂舉行婚禮，多位演藝界人士都有到場祝賀，現場簡直係星光熠熠！兩位新人在接受訪問時更大爆婚禮各種蝦碌，非常爆笑！
衛詩雅婚戒戴錯手蝦碌百出
衛詩雅在婚禮上的婚紗為超性感的Deep V設計，並在父親的陪同下步入教堂，與周祉安正式結為夫妻。婚禮上，衛詩雅與周祉安在簽名後更舉起手來，展示2人嘅結婚戒指，其中衛詩雅的巨型鑽戒尤為耀眼。不過2人事後接受訪問時，才大爆原來當時因為周醫生伸錯手，所以搞到衛詩雅幫周醫生婚戒時更戴錯手，要神父出聲提醒，場面非常搞笑！
有機會攜眷亮相金像獎
今年第二度入圍金像獎影后的衛詩雅，被問到會否帶周醫生一起出席金像獎，周醫生就即刻識做搶答：「所以就話佢批準我去就去，唔批準我去我就唔去。」當被問到會否需要事先過目衛詩雅金像獎的戰衣時，周醫生就大方指「冇乜所謂」，衛詩雅補充：「佢真係冇乜所謂，唔係好干涉我嘅工作，我OK佢就OK。」
求生欲MAX 講明收入「上繳中央」
當記者問到周醫生婚後是不是「聽晒老婆話？」時，周醫生即刻回答指：「係呀，老婆大人呀嘛。」周醫生又表示會將收入「上繳中央」，聽到身旁的衛詩雅都非常開心，新郎哥仲話每個月只需要夠食飯搭車就得，認真識做。
新郎哥大爆追女高招
新郎哥周醫生在接受訪問時，表示有在婚禮上播放的音樂列表花心思，更指憑歌單中其中一首歌，成功追到衛詩雅：「嗰陣剛剛識佢嗰陣，我就買咗個永生花音樂盒，我就一路播一路拍片俾佢，我嗰陣就問佢聽完之後有冇乜感覺，佢就話有，我就問會唔會我同你嘅感覺係一樣，嗰陣我就知道我成功留得到佢嘅芳心，嗰陣首歌嘅歌詞係我唔相信佢會鐘意我」，全場聽完即刻冧到爆！
圖片來源：ViuTV、IG@michellewsn資料或影片來源：原文刊於新假期
