陪子讀書舉家定居英國 雷頌德親自設計大宅
撰文：Kammy (原文刊於:Sunday Kiss)| 圖片來源：Instagram
雷頌德晒英國大宅
音樂創作人雷頌德同太太Jade一向都係圈中嘅型格夫妻，二人育有兩個小朋友，分別係11歲嘅雷鳴（Jack）同8歲嘅雷響（Jazz），以及Jade與前夫之前所生嘅囝囝Sean。由於小朋友要到英國讀書，所以Mark就舉家搬到英國定居，真係廿四孝父母！近日，Mark更大晒佢係英國嘅大宅，原來成間都係佢自己設計，仲以「寒舍」嚟命名，更標名「Mark Lui Design Works latest interior design project,my own modest home」，間屋真係又大又豪華！
其實Mark以前係喺倫敦帝國學院修讀土木工程，仲曾經從事室內設計工作。今次Mark嘅英國大宅就以現代設計配以復古式嘅傢俬，風格既時尚又典雅，一眾歌星藝人好似楊千嬅、方力申同陳茵媺等都讚好，就連啲網民都話想搬入去住！
1. 大廳
2. Sun House及走廊
3. 小型錄音室及衣帽間
要設計間屋梗係要設計埋自己嘅小天地啦！Mark就為自己整咗間小型錄音室，個度掛滿佢嘅電子結他同音樂器材，而旁邊仲係佢嘅衣帽間。
4.廚房及飯廳
Mark嘅太太Jade一向都熱愛下廚，作為老公梗係要落足心機去設計啦！Jade早前更喺社交網站到大讚老公了解佢所需，將廚房設計得好好！
5.廁所及浴室
廁所就運用咗好創眼嘅紅色牆身配白色牆磚，更以復古款式嘅配件點綴；而浴室則用海軍藍牆身配白色牆磚。
6. 小花園
大宅又點少得小花園呢，而呢個小花園就由太太Jade親自負責，落手落腳自己整！
雷頌德愛屋及烏 不介意做繼父
雷氏夫婦出名恩愛，原來二人在結婚時，Jade與前夫已育有一子。愛子深切的Jade直言：「當時如果他不接受兒子，或不疼愛他，我一定不會跟他結婚。」由於雷母亦是帶著自己再婚，Mark非常理解Jade當時的想法。於是，Mark在求婚前先向Jade的兒子Sean預告婚訊，並得到他的真誠祝福。梁家玉在訪問中道出，雷頌德向來視自己為Sean的朋友，而非繼父，這種相處模式亦令二人關係非常要好。
兒子患亞氏保加症 Mark：長大會變好
Mark的大仔雷鳴（Jack）早年被確診患有亞氏保加症，被視為「聰明版自閉症」一種，智力和語言發展正常，只是社交能力較弱。Mark 坦言起初有擔心，但相信隨着他年齡漸長，社交能力會有改善。作為父母，最重要有耐性與兒子溝通，Jack 性格沉默、不擅表達，卻有無窮創意，愛畫連環圖表達故事，啟發了Mark 與Jack 利用畫筆，繪出兩人的溝通橋樑。
在Jack升小一時，老師發覺他不合群，社交有障礙，建議他看醫生，確診患病。Mark起初有買書參考，尋找名醫治療，但沒有起色，他與朋友交流後，放下了擔子，決定讓兒子自然成長。「得知有呢個症後，慢慢觀察其他人，有好多朋友原來細個都自閉，甚至係嚴重自閉症，我哋好少聽到大人自閉，我諗愈成長，愈學識到點同人相處，所以我依家唔係咁擔心。」
Mark以過來人身份，向同路家長分享，面對子女患亞氏保加症，最重要有耐性，「平時人哋講一句，佢五句先聽，咁咪講五句囉，你以為佢唔乖，其實佢唔係唔乖，只不過有啲嘢同普通小朋友唔同。仲要教佢唔好俾人覺得佢自私，呢類小朋友活喺自己世界，未必理人感受，要多啲提點佢要理人感受。對待佢亦要一視同仁，我覺得呢啲症唔係永久，長大會變好。」
延伸閱讀：10個明星超奢華豪宅大公開
1. 張衞健
入行34年嘅張衞健（Dicky）於2004年同內地女演員張茜結婚，愛妻心切嘅Dicky送咗一間5000呎位於北京朝陽區嘅豪宅畀太太。張茜熱愛運動，經常喺屋企健身房做運動兼自拍，喺相中都可以見到愛巢大得嚟裝修都以簡約為主。
除咗睇書，張茜極愛做運動，所以喺屋企都會見到有好多健身器材。
張茜係天主教徒，大廳中有紅色木櫃上放滿聖母肖像同掛住十字架，地上則有一張花色地毯。
2.劉嘉玲
劉嘉玲在香港、上海、蘇州各地都有房，而她在上海外灘旁以近1億置入的酒店公寓曝光，單是價格已經是天文數字。
劉嘉玲請來電影美術設計師張叔平為房屋設計，一共有四層，而且還有室內游泳池，裝修好像博物館一樣，極盡奢華。
豪宅外擺放的12生肖獸首仿製品已經價值超過百萬，有錢就是任性。 絕對是明星超豪華豪宅。
3.成龍
成龍大哥的身家不用想也知道是天文數字，四處置業的他在香港、北京、荷里活等地都有樓。
唯一一間他介紹過的房子就是多年前他在香港火炭改建過的一個「工廠大廈豪宅」，以860萬元購入，最後以3,300萬轉手，最奇妙之處是這間改建的房子機關處處，別有洞天。
4.王祖藍
王祖藍自從轉移重心到內地密密搵銀養家後，在買樓方面也大擲手筆，以1億6千萬連掃3個大埔逸瓏灣豪宅單位，送給老婆及父母，是孝順又愛家的好男人！
其中一棟豪宅曝光，容納到二、三十人不止，還有名貴的玻璃擺設及紅酒等收藏。
祖藍對岳父岳母一點也不馬虎，在香港也為他們購入了一間豪宅，可謂愛屋及烏。
5. 莊思敏
莊思敏最近人氣急升，不斷接劇的她變成了小富婆，加上本來就是千金小姐，買樓如同食生菜。
原本就是馬來西亞拿督的千金，而且經常做投資生意，因此本身的住宅也不會差得去邊。
莊思敏和妹妹莊思明都是住在貝沙灣千五呎大屋，有無敵海景露台，兩個人住都嫌大。
莊思敏以626萬元買入恒地何文田勝利道加多利軒一間263方呎單位，但她指出未有自住的打算，而是打算用作放租。
6.徐淑敏
索爆人妻徐淑敏一家在2016年搬入大埔比華利山的四千呎豪宅，價值四千多萬，還有私人蒸汽房和按摩池，簡直一應俱全。
單單是廚房已經花費了二百萬去裝修，小編想講，要求不高的話二百萬都有機會上到車。
還有一個私人的海鮮魚缸，到底還有甚麼是人類不能做到的。
7.汪明荃
汪明荃和羅家英居住於香港西貢銀線灣某別墅，三層獨立屋，設有小花園，環境僻靜而且私隱度高。據說現在市值估計超過6,000萬元。
8· 陳浩民
要數圈中多仔公，陳浩民封王，與太太Lisa結婚五年，仔女年齡如樓梯級5、3、2、1，五年抱四，生多個就可以刷新紀錄！現在凡事以四個仔女為先，陳浩民夫婦學「孟母三遷」，早年由港島東區搬去紅磡過千呎單位，前年再搬去傳統豪宅地段何文田半山壹號一個天台泳池屋，愈住愈豪。
陳浩民成日留在大陸拍戲開工，但太太同四個仔女都不愁寂寞，因為留喺屋企都大把娛樂，佢哋就上天台做至愛嘅活動 — 游水！
無敵天池屋
屋內的實用面積有千六呎左右，未計天台及泳池，坐落山上居高臨下私隱度非常高，10萬月租對今時今日的陳浩民來說濕濕碎，仔女老婆住得舒適最緊要。
蔣麗莎：全家都鍾意游水
Lisa話搬呢個單位係有原因：「我哋依家住嘅係樓頂特色單位，有自家泳池，原因係我哋全家都比較喜歡游泳，我大肚8個月時，每週都游3次。再加上依家小朋友主要讀書範圍喺九龍塘，為咗佢哋每日有多啲時間睡覺，所以特意安排離學校近啲嘅地方住。」
老公辛苦搵錢養家，老婆負責照顧小朋友睇住頭家，Lisa連生四胎身材仍然弗到漏，搬大屋後隨時開工等生第五胎。
仲可以BBQ
除咗游水，仲夠位喺游泳側邊燒烤，真係足不出戶都冇問題！
陳浩民在國內開工的日子，Lisa全副精神照顧孩子，有空又會同子女夜晚上天台BBQ，甚至坐喺池邊食住甜品睇夜景，好溫馨！
睇完天台，唔少得睇埋室內，單位分上下兩層。下層客廳同飯廳好闊落，用落地玻璃窗，樓底又高。客廳的櫃放滿許多家庭照，好溫馨！
養一家六口（未計照顧小朋友的外傭姐姐），少個崩都唔得，陳浩民近年在國內密密做冇停手，Lisa就負責留港照顧小朋友，見她湊仔女絕不假手於人，接送大女與二仔返學放學再加課外活動，還有照顧仍未入學的三女與細女，Lisa這個萬能鐵人媽咪認真唔易做。
樓底高又用落地玻璃，夠晒光猛，放巨型聖誕節都唔會有壓迫感！
而下層都有長長的露台，最愛種植的Lisa放滿鮮花及盆栽，小朋友會幫手整植物盆景同淋水！
囡囡都會幫手剪雜草及收割果實﹐早前就有自家種植的紅椒！
9.王菲
天后王菲有多處房產，其中包括嘉林花園、麗高王府、晴翠園等，她的女兒李嫣在一個生活視頻中不小心曝光了所住的豪宅，以歐式裝潢的豪宅，有華麗的化妝間及衣帽間，大到可以踩單車，有錢人的生活真的難以想像的奢侈。
10. 黃聖依
2004年在星爺周星馳電影《功夫》而廣為人知的黃聖依，十年前下嫁現任巨力集團副總裁兼執行總裁的楊子，成為不愁吃喝的少奶奶。
黃聖依的老公在大陸徐水的豪宅金碧輝煌，外觀彷彿是一間大型體育館，飯廳高10公尺，飯桌也可以容納30人入席。真的不只一般的有錢，而是大富豪呀。
最近她跟兒子安迪一起參加內地節目《媽媽是超人3 》，因她擔心被指「晒命」，故意臨時臨急買了一間約3,200呎的屋作拍攝用途。有內地網民爆料說原本黃聖依有一個約7,500呎大的房子。
身為巨力集團副總裁兼執行總裁的楊子家族身家及資產超過百億元人民幣，光是個人身家也逾十億，有指他喜愛收藏瓷器，並在北京家中擁有私人瓷器博物館。假如連私人博物館都有的話，甚麼私人樂場、滑雪場跟隨便買層樓也是「濕濕碎」啦！
不過在早期的節目中，請來安迪的奶奶加入拍攝，奶奶大方公開豪宅，完全就像是買起一整個島，有網民更指像皇宮。而奶奶的爆炸性言論也引來大家的討論與羨慕，紛紛希望成為她的孫子。
兒子楊安迪在介紹自己居住的豪宅，不知道他旁邊的兩個小女生聽到後，有甚麼感覺。
黃聖依的老公在大陸徐水的豪宅金碧輝煌，外觀彷彿是一間大型體育館，飯廳高10公尺，飯桌也可以容納30人入席。真的不只一般的有錢，而是大富豪呀。
83歲的奶奶霸氣展現「實力寵孫」，奶奶說孫子想去遊樂場，就給他修了一個遊樂場；孫子在冬天時想去滑雪，就為他建了一個滑雪場，孫子要甚麼，奶奶都可以滿足他。
除了波波池跟滑梯，周圍更有很多遊樂設施。如果不告訴你是私家場，大家肯定會誤以為是公共遊樂場。
除了室內的遊樂場，看似不可行的室外設施，奶奶一樣給你建。奶奶知道每到冬天，孫子都想滑雪，為了令孫子更方便做到想到的事，為他建了一個滑雪場。
