雲浩影13歲翻唱片出土 All Back頭出鏡曬唱功網民大讚靚到癲！
廣告
27歲雲浩影（Cloud）2020年參加《全民造星III》後以歌手身分出道，並憑住靚樣及好歌喉收獲唔少人氣。特別係今年初於《2024年度叱咤樂壇流行榜頒獎典禮》中連環仙氣出鏡更引起網民熱議，人氣更可以話係再度急升！近日就有網民在社交平台分享一段雲浩影於13年前嘅翻唱片， 片中Cloud嘅唱功以及青澀樣就引來唔少人討論……
雲浩影All Back頭出鏡靚樣零影響
近日有網民在社交平台分享雲浩影13年前翻唱嘅影片，片中雲浩影以超考驗顏值嘅All back頭出鏡，不過就未見對靚樣有任何影響，照舊係仙氣爆燈！就連po主都留言：「依家13歲嘅女仔係咪好少再all back 紮頭？呢個頭唔易carry，但雲13歲咁樣已經好好睇」大讚雲浩影就算以難carry嘅髮型出鏡都一樣靚到爆！
雲浩影唱功獲網民連環大讚
而該網民分享嘅影片除咗騷雲浩影13歲時嘅鏡樣外，佢嘅唱功同樣係網民討論嘅焦點之一，唔少人更留言大讚Cloud當年嘅歌後就已經好出色：「靚女真係光頭都係靚！仲要唱歌咁好聽，公平咩？」、「離支咪咁遠，對上一次見有咁既氣量係羅文」、「依家2025年如果13歲唱到咁吾出奇，但係咁多年前嘅13歲就唱得咁好，真係好勁」、「咁細個就已經咁唱得」、「其實呢個風格都好啱雲姨」、「呢個唱功抵佢攞獎」
