雨僑自爆近日不斷嘔 被指懷疑有喜？

撰文：東方新地｜圖片：新傳媒圖片、雨僑IG

雨僑自爆近日不斷嘔

日前，雨僑出席活動時透露自己因患上感冒而不停咳，甚至會在整頭髮時咳到嘔，由於老公羅力威在家中見她的嘔吐物從手指罅流出，更嚇到呆了！當被傳媒問及是否有喜時，她則表示應該不是懷孕，因結婚後，她已馬上離港拍節目。

至於會否買驗孕棒作初步檢查，雨僑表示暫時未有作此打算，並認為不是適當時候。另外，被問到將來的小朋友會否希望似老公羅力威，她則未有正面回應，只說老公細個時並非寡言的小朋友。

雨僑 望快同羅力威補度蜜月

作為blogger始祖，雨僑當然做足準備：「今次拍攝我襯咗啲幻想中適合非洲的衣服去，例如色彩豐富嘅大長裙，希望好飄逸咁同斑馬、獅子影相。點知原來南非好凍㗎！凍到著羽絨都唔夠暖，入面仲要著外套打底！」

不過來到夢想中的地方，雨僑話捱凍都非常值得，特別是上了很高桌山，一覽南非的全景，非常震㨔。

大學主修生物學系的雨僑，原來好想見到獅子：「以前讀書成日去field trip，但香港可以去到的field trip最多看到中華白海豚、青蛙，很少機會見到大型哺乳類動物，所以非洲草原一直係我好想去嘅check point，去非洲睇獅子更係我人生好想好想做到嘅事！」

拍節目時，雨僑經常在社交平台分享豐富早餐相，不說還以為她好悠閒。雨僑說：「其實每日行程都好趕，但因為我以半個blogger身份來拍攝，所以每朝都要影影影，再post post post！」這次旅程她特登帶了套絲質睡衣來，仲一早起身燙衫，原來這是雨僑的好友送她在結婚上頭時穿著的，但沒用到，因此今次帶來與早餐拍照補償。Blogger真的不易做！

被問到已為人妻的雨僑有沒有煮早餐的習慣，她笑說：「當然有！我平時都好鍾意煮早餐！女生的早餐一般都是煎pancake、焗薯仔，或者簡單煮麥皮，但屋企自從多咗個男人之後，我嘅早餐變得好man！佢（羅力威）係個早餐可以食麻辣火鍋、煲仔飯嘅人嚟，我就鍾意悠悠閒閒飲咖啡，呢樣嘢要慢慢協調啦，而家煮早餐都要煮兩款先可以一齊食！」

至於與老公去旅行，他會不會成為私人攝影師呢？雨僑竟然回答：「初初拍拖，我哋去過峇里、伊豆，不過比較少影相，因為我們都係enjoy當下的感覺，有時係個畫面太靚，但欣賞完又過左個moment，所以無影到，哈哈！」

結婚4個多月但仍未度蜜月，雨僑說：「希望這幾個月可以去到啦！我哋想近近地去日本，因為日本係我哋第一個旅行嘅地方。」