雞排妹帶團遊日團費曝光！巴打：去呢啲地方使乜咁貴呀？

撰文：占士@Central│圖片來源：IG、經濟一週、富士急遊樂場、日本國家旅遊局、蟹道樂、1dayjapancom

雞排妹帶團遊日團費曝光！巴打：去呢啲地方使乜咁貴呀？

各位巴打唔好以為雞排妹淨係識得影寫真、派軍糧呀！2018年初去日本進修嘅雞排妹已經化身日本通，即將喺 11／19至11／21首度帶團遊日本！日前雞排妹仲喺社交網站公布成個「#家純旅行團 」嘅詳情，除咗行程之外，仲有大家最關心嘅團費呀！

比起行程，相信雞排妹都非常了解粉絲嘅需要，所以一點入去「#家純旅行團 」嘅報名頁面，第一時間見到嘅會係雞排妹嘅靚相。

睇完靚相就即刻黎到大家最關心嘅價錢，位位盛惠一萬蚊港幣。截至截稿前，小編睇嘅時候仲有10個位咁多！大家要報名就要快啦！

大家真係要睇清楚呢個報名費包咩。三日兩夜中第一晚住MT富士 / 富士山萬豪（或同級），第二晚住MOXY 錦系町（或同級），經過小編透過唔同訂房網站搜尋， 11 /19至11/21嘅房價分別大約係 HKD1600同HKD800倒，再加埋啲交通、門票同飲食費用，仲有得同雞排妹見足幾日，相信對一班粉絲黎講絕對係抵到爛呀！

搞清楚先，雞排妹11月嘅旅行團並唔係伴遊，只係導遊兼翻譯。呢三日兩夜包七餐仲包車（但不含機票），旅行團名義上係賞楓，所以大家最多只係睇到雞排妹本人同埋啲紅卜卜嘅楓葉咁。見到個旅行團咁抵，啲巴打即刻個個心郁郁，勁想同雞排妹玩埋一份呀！

雞排妹非常重視網民意見，即時喺限時動態回應，歡迎世界各地團友參加！

巴打講緊以下呢位鄭家純。

杜如風喺IG嘅素顏餵蝦相。

率先遊覽雞排妹3日2夜行程 最終站意外有神秘景點

其實雞排妹帶團無論去邊都好，相信各位團友最終目的都未必係去觀光，但既然雞排妹已經悉心為巴打們準備好充實嘅行程，我哋梗係要率先帶大家睇吓呢三日兩夜究竟有乜好玩啦！雞排妹話第一日要即刻去富士急遊樂場一齊玩過山車先。提提大家到時要買紀念品嘅話，記得帶多啲彈藥。

同日再去五湖睇富士山

去到第二日就係去高尾山搭纜車兼睇景點，夜晚就返東京食燒肉。呢個高尾山纜車唔計官網所述嘅爬山電梯的話，單程只需6分鐘，來回加埋只係12分鐘咁短！加上成個團係十至十五人，所以各位巴打要影相真係把握時間！

運費方面成人每位來回930日元，但據知團體票係有折扣嘅，各位團友到時記得計清楚自己有冇比多咗啦。

到第三日同雞排妹齊齊著和服，晏晝就食蟹道樂。

據知蟹道樂關東地區有特別會席，但由於雞排妹十一月個團尚未公布確實時間，希望各位團友有機會食到啦！

食完蟹道樂後話咁快就到最後一站：江戶東京建物園。不過當地只有江戶東京動物園以及江戶東京建築園，所以相信雞排妹應該係打錯字，或者大家就當最後一站係神秘行程，留個驚喜比自己囉！同埋就算呢次11月嘅3日2夜冇跟到都唔緊要，因為雞排妹話黎緊12月仲有沖繩團，下年仲有趁櫻花季遊大阪添，真係令人好期待呀！

雞排妹又識玩又識食，仲成日好大方咁大家開心share自己副body，難怪咁多人想報團啦！小編都忍唔住要即刻重溫一吓雞排妹啲靚相呀！