陸漢洋承諾幾肥都娶 苟芸慧 甜晒婚戒
廣告
曾因壓力導致甲狀腺失調至暴肥的前華姐冠軍 苟芸慧 ，高峰期達170磅，不過去年成功由肥苟變回索苟，狀態回勇，愛情亦得到滋潤，去年8月被爆撻着錫礦大王陸佑後人兼賽車手陸漢洋。拍拖僅十個月，已經私訂終身，陸漢洋不但公開示愛指無論苟芸慧肥定瘦都咁愛，更送上家傳之寶鑽戒訂情，以示娶硬對方。日前本刊記者捕獲呢對準新人拍拖，當提到婚期， 苟芸慧 和陸漢洋立即笑到眼瞇瞇，苟姑娘更有意無意大騷手上的婚戒，幸福同鑽戒狂閃，想閃死人咩！？
苟芸慧陸漢洋 狂放閃
今年34歲的苟芸慧和大十年的富三代陸漢洋拍拖一直玩低調，年頭男的還放風指女方很難追，女的就指對方是考慮的拍拖人選。陸漢洋在意義跟情人節不相伯仲的520大日子，在fb貼出「52099」(意指我愛你苟苟)放閃，日前再發功，在車隊的社交網留言「一切由賽車開始，以後我們手牽手去征服所有艱難的人生競賽！沿途伴我走挽我的手」而苟芸慧亦貼合照並冧爆指男友「Always my number one」，好肉麻！
男方贈家傳之寶
陸漢洋和 苟芸慧 近日拍拖接受訪問時，陸指自己13年前喪母，將媽媽生前常戴的鑽石戒指改裝成男裝戒指以記念：「媽媽臨終前將另一隻戒指畀我，上面有兩顆鑽石，佢話冇機會見到我結婚，叫我將戒指送畀將來的太太，再傳畀下一代，一代一代傳落去。」陸漢洋更將家傳之寶送贈苟姑娘，已認定對方為終身伴侶。
兩口子溫馨行街
陸漢洋對女友無微不至，連日來陪實苟姑娘，日前不嫌其煩陪佢到銅鑼灣行街睇女裝，更不時貼心畀意見，兩口子好溫馨！雖然即將嫁入豪門，不過苟姑娘只係睇平民大眾化的時裝店，未有睇名牌。
苟姑娘掃零食
苟芸慧 的體重經常成為焦點話題，但陸漢洋man爆話：「其實佢依家都好靚，肥唔係罪，瘦都唔好太過分，佢肥瘦我都咁鍾意，最緊要佢開心。」幸福滿瀉的苟芸慧，獲得男友的非苟不娶之承諾，已經不用再在乎體形磅數。之後本刊再在天后捕獲二人拍拖，苟姑娘趁男友等外賣，自己就掃零食，近日苟芸慧明顯心廣體胖，面圓腰脹，一身幸福肥。
甜笑認計劃婚事
苟芸慧和陸漢洋以往拍親拖都搵人掩護，如今對記者對鏡頭不再避忌，本刊記者追問二人是否已計劃結婚，陸漢洋笑住默認，再追問婚期，二人笑到見牙唔見眼，婚事應該已在計劃中。
苟姑娘雖然未肯確實婚期，但不停風騷大晒手上的鑽戒﹗應該好快改口叫陸太﹗
