陶大宇爆內地拍劇險被拉 萬梓良臨危將幾萬元冲落廁所

大宇和關禮傑跟楊紹鴻談到當年拍攝《成吉思汗》時的往事，他們解釋當年不能夠帶太多錢進內地，要以一百元港紙交換三十幾元人民幣的代用券，期間演員們過海關都假裝沒帶現金，但當時卻有其中一位演員，竟然坦白表示自己帶了萬多元。

陶大宇萬梓良吃飯期間，突然有一批公安衝入來

之後他們在吃飯期間，便有一批公安突然衝入來，由於大家甚少返內地拍攝，故此非常擔心，萬梓良領軍將現金沖落廁所，楊紹鴻說：「大家真係好驚，唔知使唔使坐監或者打靶，咪沖晒落廁所，點知個廁所塞實咗，冇辦法就走。可能班公安執到少少，最終安然度過！」提到當時沖走幾多錢？他們坦言有幾萬元。

陶大宇和江美儀內地商演遇過驚險事

從未合作過拍劇的陶大宇和江美儀，亦在內地商演遇過驚險事。他們憶起有次到瀋陽商演，由於到埗時已經是凌晨，所以大家都有共識不下車跟粉絲拍照，沒想到粉絲追車，在沿途被攔截兩次。陶大宇解釋：「咁夜落機大家個樣都唔好狀態，咁第日都有活動，到時咪著得靚靚同你影張相，點知到演出當日，就見番呢班人。」江美儀表示陶大宇即時已教她要企近門口，萬一有任何風吹草動就立即上房不要開門，該幾名人士便像尋仇一樣硬闖，最後驚動公安，情況非常危險混亂，提起事件兩人都表示非常難忘。

陶大宇稱以往拍劇都會「姐前哥後」稱呼前輩，現時新人只會稱呼全名，江美儀接著說：「佢嗌你呀？佢嗌你咪算好囉，我有時以為自己係鬼，見到你都唔打招呼，合作過行過都唔打招呼。仲有，依家啲人06係起唔到身呀！」直言是捱出頭的陶大宇，便曾經試過拍古裝劇導致肝炎要即時由救護車送院治療！