陳雅思沙灘搭棚 大玩竹枝空中瑜伽
廣告
2016年港姐陳雅思（Bonnie）向來都愛好做運動就係人都知，皆因佢久唔久就會在網上分享自己做運動的照片，無論是屬於戶外的行山、跑步，或是在室內的瑜伽及體能訓練等，樣樣都鍾意做，難怪會有弗爆身形！不過，近日Bonnie就有新方法做運動，就係喺沙灘玩空中瑜伽，呢個有難度外，好似都有安全問題存在…
撰文：東方新地｜圖片：instagram、新傳媒圖片庫
陳雅思沙灘玩空中瑜伽
唔少藝人愛做瑜伽，16年港姐季軍陳雅思同屬瑜伽愛好者，但近日佢約咗一班瑜伽愛好者齊齊去沙灘，由室內轉去沙灘大玩空中瑜伽，認真難度十足！見到陳雅思同朋友們合力以竹枝搭咗個棚架兼吊埋條繩，然後陳雅思就喺繩上面做瑜伽啦！
雖然見到陳雅思企係繩上面邊做瑜伽之餘，又可以高人一等咁呼吸新鮮空氣，好似幾正咁，不過睇落又覺得好似有啲牙煙，始終都只係臨時搭建，安全成疑。
而不少網民亦都對佢喺沙灘玩空中瑜伽都議論紛紛，有讚亦都有為佢擔心嘅留言，因為中見到嘅就只係得條繩同三支竹枝，萬一個架倒塌或繩突然鬆脫的話都真係可大可小。
陳雅思 歎得好健康
上年陳雅思有份主持節目《歎得好健康》，拍住黎諾懿同丁子朗等人去日本同台灣等地，探討一下健康資訊！點少得浸溫泉呢啲畫面呢？果然一浸成名。
陳雅思 誘人小背心
雖然陳雅思唔及同屆馮盈盈同劉穎鏇有名氣，但其實佢樣貌身材都相當唔錯！陳雅思早前去旅行，除咗三點式，仲準備咗一件白色緊身小背心，晒事業線外，玩完水件白色背心仲要濕濕透透，真係格外誘人！
泳裝歎世界
去馬爾代夫度假，陳雅思又點會冇準備幾套三點式泳衣享受嘅陽光與海灘呢！
陳雅思當年選港姐時相對無咁出眾，唔算係大熱，不過其實條件絕對唔差！睇吓阿Bob問問題問得幾投入？伸晒脷喎！
平時陳雅思好鍾意做運動，不時都見到佢喺社交網分享自己的運動照，不過最緊要當然係一身運動，有啲貼身有啲少布，俾佢大騷弗到爆身材！
