41歲陳自瑤生日船P三點式索爆上陣黃翠如一件頭自暴其短

陳自瑤表現風騷

陳自瑤未受與老公王浩信離婚傳聞影響，上月底踏入41歲的她繼續快樂人生，更孖偽兩位好姊妹黃翠如、連詩雅出海慶生。事隔多天，陳自瑤在交網上載當日在船上拍攝的泳衣照，身穿粉藍色比堅尼外搭一件白色恤衫，陳自瑤表現得好風騷，跌膊騷香肩，雖然被指唔夠睇頭，但卻充分展現出其Fit到漏身材及白滑肌膚。

陳自瑤黃翠如把當日的片段製成短片。 — 黃翠如把當日的片段製成短片。（圖片來源：IG@wongtsuiyu）

陳自瑤另一個角度，三位閨密忙住自拍。 — 另一個角度，三位閨密忙住自拍。（圖片來源：IG@wongtsuiyu）

陳自瑤完全唔似41歲

當大家都覺得陳自瑤收收埋埋，黃翠如亦在社交網晒出當日出海的片段，仲公開陳自瑤的水著正面，性感程度爆燈，已經成為人妻人母、有個10歲女的陳自瑤，完全不似41歲，無添加的她絕對是得天獨厚。

陳自瑤陳自瑤三點式正面曝光。 — 陳自瑤三點式正面曝光。（圖片來源：IG@wongtsuiyu）

陳自瑤加埋一雙美腿，真係無敵。 — 加埋一雙美腿，真係無敵。（圖片來源：IG@wongtsuiyu）

黃翠如包到上頸

反觀與陳自瑤同年的黃翠如，下個月即將踏入41歲的她，未生過都顯然唔夠陳自瑤保養得好，當日她以桃紅色一件頭泳衣遊船河，大圓領差點包到上頸，仲要外加長袖防曬衣，保守到呢！出道時清清秀秀的黃翠如，近年更被指外貌有變，點睇都好似好唔自然。

陳自瑤黃翠如身穿一件頭泳衣。 — 黃翠如身穿一件頭泳衣。（圖片來源：IG@wongtsuiyu）

陳自瑤個樣點睇都好似怪怪地。 — 黃翠如呢個樣點睇都好似怪怪地。（圖片來源：IG@wongtsuiyu）

黃翠如外遊後又唔同晒

黃翠如早前撇低老公蕭正楠到馬來西亞，日前就在IG上分享在馬來西亞探朋友的近照，結果又被讚「靚咗」似鬼妹仔，仲被網民翻查舊相做對照添！

陳自瑤黃翠如又真係有啲異國風情啵！ — 又真係有啲異國風情啵！（圖片來源：IG@wongtsuiyu）

黃翠如驚變「鬼妹仔」

到訪馬來西亞工作兼旅遊的黃翠如曾拜訪當地老友吳天瑜，更趁住好天氣齊齊下水曬泳衣輕露香肩！不過就有網民表示，翠如近排又「靚咗」，更滲出陣陣外國人味道爭啲認唔到，當中連詩雅、陳瀅留言讚她超靚，陳敏之更指她「有啲似鬼妹仔」，不過有部分網民就留言指妝容或拍照濾鏡影響，所以才會引起誤會，連帶翠如的舊相亦被翻查。