撰文：東方新地 圖片：新傳媒圖片、陳煒ig、李興華ig

陳煒 有小鮮肉獻吻

呢晚出席生日飯嘅包括唐詩詠、馬國明、女友黃心穎、何遠東等，個蛋糕紅噹噹好好有意頭，切蛋糕時，陳煒毫不避忌獲小鮮肉搭膊獻吻，仲笑得好甜好受落咁！

其實佢係藝員李興華，佢同煒哥之前喺無綫劇《梟雄》都合作過，二人都係11月之星，所以生日齊齊慶祝，李興華喺ig留tag叫人唔好妒忌佢，認真搞笑！

陳煒陪家姐港島遊

2012年陳煒與台灣商人顏志行結束四年婚姻,回歸電視台簽約無綫。明明當年已經離婚,不過煒哥就夠硬頸，拒收贍養費、拒絕前夫送樓、收收埋埋離婚消息免被指失婚博同情,一於靠自己在無綫由閒角做起從頭經營演藝事業。六年過去,超班演技吸納唔少忠粉同監 製厚愛,不過劇接劇亦都犧牲不少私人時間,加上煒哥性格宅女唔熟唔見,遲遲未見覓得第二春、感情生活仲未有著落。

享受單身

連三線小花都周遊列國、晒袋炫富時,捱得又慳家的陳煒就為每月慳番六萬差價由港島改 租油塘單位自住,年中無休,今年已經連拍六套劇、難得唔使入廠都係見佢去行山、入離島親 親大自然,日前放假就拖住感情要好、年長十多年的胞姊閒遊中環。亞姐冠軍出身、昔日亞 視當家花旦,今時今日在無綫套套都係女主角,但陳煒出外平實完全不以花旦明星自居,冇 口罩、冇黑超,淡妝牛仔褲波鞋上陣,醫肚都係同 家姐簡簡單單飲杯咖啡、食個三文治搞掂。食飽同 家姐拖住手行去海旁排隊搭摩天輪。留意番,去年 尾摩天輪重開、由100蚊人頭費大減至20蚊一位,玩完一轉剛剛好天黑,夠晒實惠!

一睇就知陳煒同家姐關係極親密,由食店一路講到 排隊準備上摩天輪,兩姊妹都雞啄唔斷。

做明星都有好處，明明包廂要收160蚊，職員見排隊遊客不算太多，都特別安排兩姊妹獨享私人空間。

96年選亞姐、12年回流改簽無綫,出道超 過二十年、無論邊個台,無論電視定電影圈,陳 煒絕對係異數,與世無爭作風樸素,極少惹是非,不過就套套劇都交到朋友。

拍《多功能老婆》同朱晨麗變老友，日前煒哥更同朱朱在家煮飯仔，為好姊妹大晒廚藝。

拍梅小青監製的新劇《法政先鋒 IV》，煒哥是三大女主角之一。