陳瀅自爆唔著比堅尼原因 原來與好友蔡思貝有關！
陳瀅出席名錶品牌發佈會
早前，陳瀅於尖沙咀出席名錶品牌發佈會，並接受傳媒訪問，表示自己因早一排忙於工作，最近難得可以放假，於是約埋三五知己齊齊出海玩，加上難得暫時唔使開戲，當然要用盡呢個暑假時間，多做戶外活動。
陳瀅愛上滑水
陳瀅仲話自己最近鐘意咗wakesurfing呢個運動，而且有陳嘉寶老公Epaphras親自教點玩，教完之後就即刻感到勁鍾意咁話！
由於覺得滑水同滑雪非常之相似，加上自己本身又好鍾意滑雪，但夏天又滑唔到，所以就決定去滑水，仲大讚喺水上感覺好正。
陳瀅自爆唔著比堅尼原因
另外，雖然陳瀅不時將滑水相放上個人社交網，但唯獨硬係唔見三點式泳衣。對此，佢就表示係有原因嘅，而且仲同好姊妹蔡思貝有關！
陳瀅就話有一次佢哋幾個好友一齊去滑水，蔡思貝著住三點式登場，點知起水時，蔡思貝不知情下走光，但因為在場有教練，所以第一刻冇同佢講走光，免得好姊妹尷尬。
當然蔡思貝走光就唔至陳瀅睇到，陳嘉寶老公Epaphras身為教練就好專業咁提示蔡思貝，叫徒兒企直個人，搵返個平衡點，再整整個bra先，結果引嚟陳瀅等人大笑。
陳瀅仲表示笑嘅原因唔係因為走光，而係教練Epaphras講嘅時候好淡定、好專業。
唔怪得陳瀅經常著one piece泳衣，原來怕步好友後塵，驚走光！
陳瀅怕曬黑
至於點解著長衫去滑水，佢就話係因為怕曬 ，又啱嘅，比較少女仔鍾意曬黑自己啲皮膚。
相關娛聞： 何猷亨與陳瀅分手 猷君為哥哥招女友
澳門賭王何鴻燊和四太梁安琪的大仔何猷亨被喻為城中筍盤，但自從前年與陳瀅分手後，一直單身。直至今年年初，何猷亨細佬何猷君於個人社交網公開為哥哥招女友，表示：「他是上海市史上最年輕政協委員，我哥何猷亨！年輕有為、又上進、又帥，最主要的是單身。」
猷君並續指：「如果大家覺得可以擔當我嫂子這個重任的話，可以評論對我哥哥第一眼感覺。」
陳瀅被傳與舊愛翻撻
雖然有細佬幫手網上公開誠徵女朋友，但猷亨至今依然單身一人。而近日，有傳媒報道指日前猷亨與舊愛陳瀅於中環一間法國餐廳茶聚，二人有傾有笑外，隨後更齊齊Shopping，因而被傳成功復合。
據知原來二人已經不是第一次分手後再見，早於上年國慶，陳瀅亦有與猷亨一同相約睇煙花，聽講當時雙方更不時互望，表現甜蜜。
事件爆出後，陳瀅馬上回復傳媒時否認復合，並指她與猷亨只是剛巧遇到，所以一齊食lunch。
陳瀅嫌何猷亨太忙
16年2月，本刊影到陳瀅同賭王四房大仔何猷亨，孖住林作麥明詩，兩pair人去中環嘉年華拍拖，點知最終都係分手，有指陳瀅嫌男友太忙，成日投訴對方冇時間陪自己，猷亨俾女友煩多兩煩，索性分手講bye bye！
當時，陳瀅猷亨仿如熱戀中嘅情侶，去嘉年華時全程冧樣對望，當同行嘅林作麥明詩唔存在一樣！貴為賭王仔嘅猷亨，親自出手掟公仔送俾陳瀅，甜到漏！
傳陳瀅介入別人戀情
有指湯洛雯同羅天宇近半年無數次合合分分，經常嗌交，所以最終決定分開。不過事情似乎唔係咁簡單，因為據知有樣(ok啦)有家底的羅天宇就同鍾意同有錢人做朋友的陳瀅睇中，兩個人行得好埋，成日見面，唔知係咩關係啦！
陳瀅早前喺大排檔拍「挑戰發呆1分鐘」影片時，據知唔少人都見到羅天宇亦在場，新歡舊愛都係粉絲萬千的靚爆女神，羅天宇真係唔簡單呀！羅天宇亦有對此回應，稱其實當日係一班人食飯，仲話唔好意思累咗陳瀅喎…
講返陳瀅，唔少人覺得佢靚女得嚟又唔係一般大眾臉，反而有一種奸奸哋、姣姣哋嘅感覺，更令人欲罷不能；另外身材好得嚟又唔係四肢勁纖細，而係較圓潤、有肉地，正呀！
泳裝女皇
現年27歲嘅陳瀅有樣有身材，鬼妹仔性格夠晒豪爽，泳衣照當然少不了！
半透明的舞孃
陳瀅鍾意哂Body唔係咩新鮮事，早喺寫真集《半透明的舞孃》入面，佢就已經影過半裸照，只遮三點，勁大膽！
呢張經典照又點少得？
