陳瀅低胸出海被何雁詩搶鏡 仲有猛男高調告白？
廣告
夏日炎炎千萬唔好眠，否則就會錯過一班女神派福利！日前索女陳瀅又出海，孖住好姊妹何雁詩玩wake-surfing(無繩滑水)，之前多數較密實的陳瀅今次換上網民期待已久的低胸泳裝，同何雁詩齊齊騷身材！不過最離奇都係陳瀅的IG Story中，竟然有位大隻型男兩度高呼「我愛陳瀅」！唔通係間接宣布戀情？
撰文：東方新地｜圖片：新傳媒、Instagram
陳瀅夏天狂出海
陳瀅今個夏天真係非常忙碌，唔係因為要趕拍劇集，而係忙住出海同陽光玩遊戲！佢今個夏天愛上大熱活動wake-surfing(無繩滑水)，每一兩個星期就孖住幾位好姊妹出海，不過女仔始終比較怕曬，所以見到陳瀅衣著都係相對密實，男士們就有啲失望啦！
低胸出海被何雁詩搶鏡
日前陳瀅同何雁詩呢個黃金組合又再出海，兩人今次唔係玩wake-surfing，所以換番套靚靚泳衣影靚相，陳瀅一襲白色低胸泳衣非常誘人，不過旁邊身高只有157cm、細細粒的何雁詩反而更為搶鏡！
仲有猛男高調告白？
不過呢日出海最爆亮點都唔喺兩位靚女身上，而係一同出海的TVB大隻仔余德丞！喺陳瀅的IG Story中，余德丞竟然對住鏡頭兩度高呼「我愛陳瀅！我愛陳瀅！」之後仲聽到陳瀅笑到鬼咁sweet～ 不過余德丞最近先傳出與陳瀅好姊妹蔡思貝撻著，究竟佢哋三個……
同場加映：陳瀅自爆唔著比堅尼原因 原來與蔡思貝有關！
另外，大家都知陳瀅甚少會以三點式泳衣示人，佢早前出席活動時就表示係有原因的，而且仲同好姊妹蔡思貝有關！陳瀅稱有一次佢哋幾個好友一齊去滑水，蔡思貝著住三點式登場，點知不知情下走光！但因為有教練在場，所以第一刻冇同佢講走光，免得好姊妹尷尬。
怕步好友後塵
蔡思貝走光就唔只陳瀅睇到，陳嘉寶老公Epaphras身為教練就好專業咁提示思貝，叫徒兒企直個人，搵返個平衡點，再整整個bra先，結果引嚟陳瀅等人大笑。唔怪得陳瀅經常著one piece泳衣，原來怕步好友後塵，驚走光！
不過陳瀅樣靚身材正，皮膚白滑布肉地，著一件頭泳衣一樣可以好搶眼！
以下呢啲噴血畫面，睇嚟短時間內都唔會見到住啦！
