陳柏宇 孖未婚妻英國晒幸福
廣告
歌手 陳柏宇 (Jason) 與女友符曉薇 (Leanne) 拍拖六年，今年終於拉埋更窗，決定7月2日在九展舉行婚禮！早前兩人出發到英國影結婚相，喺機場接受訪問全程sweet爆，真係睇見都覺得幸福！呢對準夫妻現時喺英國happy緊，喺社交網站上載唔少靚相，網民見到紛紛留言讚好！
陳柏宇符曉薇 英國影婚照
早前Jason與Leanne出發到英國影結婚相，兩人都係以白衫示人，一同在機場接受傳媒訪問。兩人表示想去當地影一啲比較生活化的結婚相，希望比較有玩味，所以唔會着禮服！Leanne又稱當地天氣好凍，所以唔會性感示人。不過重點係兩人接受訪問期間真係sweet到爆，時而十指緊扣時而攬攬，邊講邊深情對望，羨煞旁人啊！
Jason身在英國都不忘唱歌俾fans聽！
雖然我而家身處英國，但係我條天線四通八達, 收風知道香港過去幾日天氣好好俾大家享受假期； 點知今日一要返工，個天就係咁喊喇! 真係夾都冇咁準，今日送上呢首歌夠晒應景，高票當選嘅… 晴天陰天雨天。 係時候聽歌啦, 唱完呢首算係還咗債㗎喇… 雖然我都好想繼續唱…. #CoverMeUpSonyMusicHK
JasonChan（@ckw720）分享的貼文 於 張貼
