圖片來源：陳敏之 Instagram、微博

得天獨厚 肥肚不肥身

敏之雖然甚少在公開場合露面，不過經常都在網上分享大肚婆生活照。見到佢個肚雖然真係籮咁大，但未見手腫腳腫，而且塊面仲好似尖過以前，不愧為得天獨厚的索腿天后！早前敏之曾講過會在12月擇日剖腹生B，笑言腹中寶貝將是兩公婆最好的聖誕禮物。而昨晚敏之終於入院啦！

直擊敏之入院

昨晚本刊記者獨家直擊敏之在老公及媽媽陪同下到跑馬地養和醫院待產，戴上口罩、身穿黑白間鬆身衫的敏之下車時禮貌地向記者打招呼，並大方承認是入院生B。敏之先與媽媽先入內登記，至於隨後進入醫院、替敏之拿着「走佬袋」的William似乎有點緊張，只是點頭微笑，未有透露太多細節。

一索得男 重量級囝囝

剛剛開完刀嘅敏之就話母子平安，BB重7磅11，而且仲有一雙大腳八！問到BB似邊個，佢就話BB而家喺保溫箱，暫時未有得近距離望吓BB，不過覺得BB個頭好大，所以似老公，但老公William就覺得話似敏之多啲。相信敏之同老公都覺得囝囝似邊個都無所謂，最緊要健康快樂成長就夠！再一次恭喜晒敏之！

全文完