陳子聰秘密轉院 何超儀笑晒：佢好番好多
廣告
賭王千金何超儀的43歲老公陳子聰，有傳因肝臟出現問題，早前入住港島港安醫院，後來秘密轉到有權威肝臟科醫生及治療儀器的瑪麗醫院留醫。有指陳子聰父母，亦專程由外地返港照顧兒子，各人均對陳子聰病情封口，情況令人擔心。今日下午，何超儀探完老公陳子聰後，對於老公病情，超儀笑言：「幾好胃口喎，好番好多o架喇！」
延伸閱讀：
《城寨》春美吳家樂娶富豪女 生三個
胡定欣KEEP FIT秘訣
親製愛心餐
今日約中午12時，超儀坐紅色座駕到達醫院，下車即被大批傳媒包圍，問到老公陳子聰依家健康狀況，超儀表示：「唔使擔心！唔使擔心！已經好番喇，依家休養緊，大家俾啲空間，醫院有好多病人，唔好打擾到佢哋。(幾時出院？)未講未講，俾啲時間子聰療養。(子聰可以進食啲乜？)我咪拎啲嘢俾佢食囉。(你整俾佢食？你煲嘢俾佢飲？)係。」
指老公胃口好
約下午1時半，超儀步出醫院，問到子聰胃口如何，超儀笑言：「幾好胃口喎，好番好多0架喇！」再問到子聰有否做手術，超儀表示：「冇事，休養緊。(會否停工陪老公？)梗係。(會否抽多啲時間陪佢？)當然。」問她可知老公依家最想做啲乜，超儀說：「最想食，食多啲！」之後友善地向傳媒揮手便離開。
全文完
