陳嘉寶

陳嘉寶三年抱三宣布再陀B 老公黃頌祈被網民鬧自私為追仔唔顧老婆子宮

Jul 26 2021

廣告

陳嘉寶（Anjaylia）在社交網公布三年抱三的好消息，她於19年1月誕下大女Hosanna，去年再誕下二女Eliana，現在只得10個月大，陳嘉寶已懷上第三胎5個月。生B係開心事，不過陳嘉寶坐完月冇耐再陀B，網民就戥她辛苦，更指出女性生得咁密對子宮有害，矛頭直指陳嘉寶老公黃頌祈，斥他為自私追仔唔顧及老婆的身體仍未復原。

撰文：東方新地圖片：陳嘉寶IG、黃頌祈IG

陳嘉寶好生養

陳嘉寶 2017年跟初戀男友黃頌祈（Epaphras）拉埋天窗，19年1月誕下大女兒Hosanna，去年不動聲色誕下第二胎Eliana，非常有驚喜，如今二女得10個月大，Anjaylia已經懷上第三胎5個多月，一年生一個，絕對是三年抱三的成功案例，認真厲害。

陳嘉寶 — 陳嘉寶在社交網先放了一張影住背面的照片，寫上「To be continued」。（圖片來源：陳嘉寶IG）

陳嘉寶 — 陳嘉寶再上載一張凸肚照片，宣布懷第三胎。（圖片來源：陳嘉寶IG）

陳嘉寶分享喜悅

Anjay再次在社交網興奮公布喜訊，並寫下長文表示驚喜：「沒想到，才剛剛三十有一，肚子休息沒有多久，便又被新生命扎根進駐了…一步一步在大家的愛護和見證下今天已經成為三個小生命的媽媽了…感恩。知福。今後還請繼續多多指教。」

陳嘉寶表示第三胎是個驚喜。（圖片來源：陳嘉寶IG）

即將使第二任爸爸的黃頌祈，亦在社交網感激太太為他再陀第三胎。（圖片來源：黃頌祈IG） — 即將做第三任爸爸的黃頌祈，亦在社交網感激太太為他再陀第三胎。（圖片來源：黃頌祈IG）

陳嘉寶 — Anjay日前去迪士尼玩已剪短頭髮。（圖片來源：陳嘉寶IG）

陳嘉寶讚老公係滿分爸爸

Anjay表示與丈夫有計劃生第三胎，不過冇諗過份禮物咁快再來，今次懷孕較之前攰，幸得丈夫在身邊支持、照顧，她又大讚老公是個滿分丈夫同爸爸，至於生完第三胎後會封肚嗎？她坦言：「3個小朋友家庭已經好大，要對佢哋公平，好好照料同教育佢哋，對我哋都要公平，我同先生都有自己嘅夢想同事業，要一路行落去，未必有心力再應付小生命，個肚點都要封住先喇。」

陳嘉寶 — 陳嘉寶為老公一年生一個，夫婦感情有增無減。（圖片來源：陳嘉寶IG）

陳嘉寶 — 陳嘉寶力撐老公是個好爸爸。（圖片來源：陳嘉寶IG）

網民批一定為追仔

Anjay力撐老公黃頌祈是個廿四孝好老公好爸爸的同時，不少網民卻指陳嘉寶生得咁密無非都是要為來自長洲的夫家追仔，更直斥如果個老公愛護個老婆，就唔會令她坐完月咁快就再有BB，因為女方的身體仍未完全復原，對子宮會造成傷害。今次同上一胎好唔同，Anjay冇收收埋埋，咁早就開心share，大有可能追仔成功可以封肚收工！

陳嘉寶 — 陳嘉寶興奮公開已經懷孕5個多月，不過就暫時未有透露BB性別。（圖片來源：陳嘉寶IG）

陳嘉寶 — 陳嘉寶與黃頌祈結婚4年，家庭成員已由2變5。（圖片來源：陳嘉寶IG）

陳嘉寶 — 當年陳嘉寶結婚長洲放滿大花牌慶祝。（圖片來源：黃頌祈IG）

去年9月陳嘉寶秘密誕下二女Eliana，出院後才公開消息。（圖片來源：陳嘉寶IG）

陳嘉寶 — 連生兩個都係女的陳嘉寶，近年為湊女只作有限度工作，對於再懷第三胎，她表示感覺熟識又有啲陌生，依然好驚喜。（圖片來源：陳嘉寶IG）

關鍵詞

陳嘉寶 Anjaylia Anjay 黃頌祈