陳嘉寶零孕味神奇誕B 醒你十月懷胎冇人知秘技
廣告
現年30歲的陳嘉寶（Anjaylia），9月20日突然宣布第二個女兒Eliana已經出世，咪話觀眾覺得神奇，連身邊不少朋友都不知情，驚覺零孕味的她再做媽咪神不知鬼不覺！呢日佢就在社交網po出懷孕時的多張照片，當中陀住9個月B都係唔見肚！佢更同大家分享神隱孕肚秘訣。
撰文：東方新地｜圖片：陳嘉寶社交網
陳嘉寶（Anjaylia）本月中為丈夫黃頌祈誕下細女Eliana，產後未夠半個月已極速收身，令不少網民驚嘆﹗佢由大肚到生完都冇人知，紛紛留意問佢有乜秘技，女神媽咪呢日就同大家分享心得！
最重要是Anjaylia陀B並冇神隱不見影，還經常更新社交網，更有不少全身相出現，呢啲咪係高手囉！大家學嘢嘞！
陳嘉寶同大家分享神隱孕肚秘訣
方法一：穿回平日一直著開的衣服，衣櫃裡一些oversize、娃娃裝、或是boyfriend style的衣服都大派用場，甚至到老公衣櫃找恤衫和Tee！
方法二：善用顏色及印花，他表示黑色是最令人意想不到的神奇保護色。
方法三：適當在寬鬆的恤衫或小背心和T恤外加一件可能比平常大半個碼或者一個碼的外套。
方法四：用手袋或者飾物搶fo，因大家通常第一時間映入眼簾的都係帽子、手袋、款式精緻嘅飾物如眼鏡和頸鏈，精心配搭就能將大家注意力轉移。
