陳凱琳拍片野外運動 老公亂入參與 男後女前捉手仔曬恩愛
廣告
為鄭嘉穎生咗三胎嘅陳凱琳(Grace)近年無乜拍劇，但人氣依然高企，廣告密密接不停，果然厲害！最近陳凱琳幫意大利絲襪品牌嘅瑜珈衫套裝拍片，唔少網民睇完話好驚訝，覺得陳凱琳好似無著衫，好似「野外露出」咁款！
陳凱琳拍運動片 瑜珈衫突變裸色
見到Grace係短片中從桃紅色套裝開始著起，之後沿途跳下樓梯時就會換到另一個顏色套裝，去到第三套嘅時候搞到唔少網民一度以為Grace「無著衫」，原來套裝突然變成裸色，原來大家誤會咗，只係錯覺！只係錯覺！只係錯覺！
Grace雙腿瘦到唔合理 被質疑係咪P圖過度
不過有唔少網民大讚Grace生完之後身型依舊纖幼，上圍仲要升Cup，不過雙腿似乎瘦過頭。日前出席活動時，身穿短褲露出雙腿嘅Grace瘦到唔合理，雙腳比手臂更瘦，同「牙籤」無乜分別，完全唔啱比例，網民紛紛留言質疑係咪P圖定過度真係太瘦！
視覺衝擊！Grace邊跳邊換衫上圍「彈彈下」
講返今次IG嘅短片中佢一路跳下跳下換衫，搞到上圍「彈彈下」，加上又有一對牙籤腳，視覺上頗為衝擊，難怪引起網民熱烈討論。但講到尾女網民尤其最為羨慕嘅一定係每次Grace陀B都得天獨厚，肥胎唔肥人，身材完全零走樣，加上同鄭嘉穎結婚四年就抱三，被外界封為「陀B專家」！
2013年參選港姐體重只得呢個數！
身高1米62嘅Grace當年參選港姐時體重只得39.5KG，已經被觀眾話太瘦，佢去年受訪時對於自己身材十分有自信，仲話最滿意就需擁有一個健康平均嘅身型，「我覺得最緊要知自己係健康，本身係呢個身形，冇得去為呢件事去改變好多嘢。」
