陳凱琳激罕除衫倒奶出席時裝騷 迎戰王麗嘉九頭身長腿！
撰文：東方新地｜圖片：Instagram
陳凱琳激罕除衫倒奶出席時裝騷
最近，陳凱琳雖然做咗人妻，不過就冇收起性感，反而衣著愈嚟愈大膽，今次更着咗件火紅超低胸Top配搭西裝外褸出席內衣時裝騷，實行來個人妻大解放！唔知係咪因為件Top個設計所影響，驟眼望落好似見到Grace條長長事業線！
喺時裝騷中，Grace被安排坐頭排，見佢上圍逼爆，猶如再度發育，睇到唔少網友都話流哂鼻血！相信今次Grace仲唔一洗「史上最平港姐」之名！
當Grace同馬慧詩一齊影限時動態時，更趁機除去西裝外褸搶鏡！又係嘅，難得有機會攞正牌性感，仲唔把握機會！
王麗嘉騷九頭身長腿
另一邊廂，馬詩慧嘅細女王麗嘉（Irisa）出哂名好身材，5尺11吋高兼擁32D上圍，佢反而著上黑色蕾絲內衣bodysuit襯西裝褸，同樣非常性感惹火！
睇完上半身，Irisa更哂出全身相，見佢大騷超長腿，9頭身比例表露無遺，唔少網友更大讚佢對腳認真超長！被譽為「王家最強基因」嘅Irisa的確當之無愧！
除咗囡囡騷完美身段，名模媽咪馬慧詩都唔弱，著起紅色Bra Top再配一身西裝打扮，型格之餘亦顯成熟美！
王麗嘉最愛晒奶
今年廿三歲嘅王麗嘉(Irisa)被外界稱為「王家最強基因」，無他嘅，皆因Irisa得父母優良DNA，擁有5尺11寸身高及標緻五官，而最令人留意嘅就緊係連老竇王敏德都多次投訴呀女太性感，經常晒嘅34D豐滿上圍啦！不過，鬼妹仔性格嘅Irisa就一於無理老竇，繼續多次晒奶！
早前，Irisa接受傳媒訪問，佢指自己15歲就去咗美國讀書，讀廣告畢業，因自覺自己唔適合坐喺office，仲話人愈大就愈鐘意面對鏡頭，所以大學返港後嘗試學媽咪做模特兒及時下流行嘅KOL工作。
對於獲外界指自己擁「王家最強基因」，Irisa就謙虛笑指其實得個樣似爹地，其他嘢就係一個mix，又話覺得爹地幾靚仔又夠幽默，而媽咪就會寵仔女多啲。
Irisa無論係驕人嘅上圍定9頭身比例超長腿，都令唔少人非常羨慕！不過，佢就表示唔覺自己平日好性感，而且對於外界對佢衣著或身材嘅評價，佢就覺得冇咩所謂，最緊要自己鐘意同舒服就夠！
王麗嘉斥香港人太保守
Irisa有咁火辣嘅身材，佢就指香港太保守，雖然自己一早就慣咗被街外人「掃」望，坦言因自己都幾高，但啲男人由佢胸口位勁近咁望，好似成世人未見過人有胸咁！
佢仲話如果香港係個太保守嘅社會，啲人應該唔好望！大概，Irisa係想大家唔好經常將注意力放咗落佢噴血嘅上圍上！
王麗嘉想做「縮胸」手術
事實上，原來Irisa有諗過做「縮胸」手術，因認為有時著衫會唔靚，又寒背咁，但佢就指會等日後科技好啲先去做，因為唔想留條疤痕喺身上！咁大家第日咪冇嘢睇？
經常漏奶嘅Irisa更指自己因上圍大過一般人，所以想設計泳衣俾啲身材比例唔似普通人嘅人著，就好似佢咁。原來Irisa係搵唔啱適合自己嘅泳衣，先會不經意咁露出半球，咁大家就體諒一下啦！
據了解，Irisa依家就單身，不過佢就指自己下一個個男朋友就係佢老公嚟，所以要搵個啱嘅男仔拍拖，唔好嘥時間！23歲就咁識諗，搵唔到啱身嘅泳衣唔緊要嘅，一於搵個啱心水嘅人，希望佢早日搵到適合嘅另一半啦！
王敏德 忍唔住抗議
去年夏天，王麗嘉在IG上載美國留學生活照，坐在開篷車上由友人揸機擺出享受微風隨意pose，不過唔知係隨意過頭定身材太好買錯碼，上衣移位南半球外露，嚇到爸爸王敏德都忍唔住留言抗議：「你件上衣做乜事！」即使爸爸眼火爆有幾不滿都好，女兒一年來還變本加厲。
精叻老婆唔做醜人
之前，頻頻曝光為新劇《飛虎之潛行極戰》宣傳，史上最型飛虎王敏德對細女豪放作風亦自認old school睇唔慣，又話要等囡囡從美國回港放暑假時就性感議題開家庭會議。老竇護女心切，遙距留言、電召回港不果，亦求救老婆馬詩慧出面管教，可惜一代模媽Janet接受能力高過一般媽媽多多聲！
馬詩慧就表示：「老公表面係鬼佬，內裡係傳統中國人，好保守。有時會同我呻啲女太性感，叫我去話啲女，有咩就賴我，佢好精，自己唔出聲就等我做醜人。我覺得露得靚係一回事，有啲猥瑣，露得唔靚我 會第一時間叫佢唔好影，我都曾經講過唔趁依家騷，等到跌到落肚先嚟騷咩？」明顯只得王敏德孤軍作戰，反對無效。
晒開有條癮，其實23歲Irisa繼承父母高大基因外，上圍更比身材均勻馬詩慧更出眾，件件泳衣都好似唔啱身買細咗。
自細耳濡目染接觸模特兒圈、少女時代又跟住媽媽入行立志做模特兒，Irisa尺度愈嚟愈大馬詩慧照撐：「唔通等(衰老)跌到落肚先嚟騷咩？」
其實王敏德絕對算開明老竇，曾經支持出櫃讚大女勇敢，不過性感細女、仲有愛玩三仔都令他冇晒符：「個仔帶女仔嚟見我話唔係女朋友，但係又話會同佢拖手、接吻，搞到我好混亂。」
王敏德細女大騷身材
當年，王敏德兩位活潑可愛嘅女，今天已經長大成人，其中細女王麗嘉（Irisa）身形高佻之餘，身材亦非常豐滿，又鍾意喺社交網站上大晒火熱性感相！
Irisa遺傳到父母嘅優良基因，身材好到更可以話係超越常人！佢仲鍾意喺IG分享自己的生活照，見到佢平日衣著打扮都十分之索！
男友視角床照任人睇
Irisa嘅生活照上，仲夾雜咗唔少大尺度嘅相，當中就有只著住內衣嘅床照，有時啲相仲要係出自男友視角！
火辣泳衣放題
難得有一副好身材嘅Irisa就一於唔浪費自己天生嘅好body，一到炎熱嘅天氣就緊係要著番套比基尼、泳衣之類，再影番幾張相，睇住佢嘅惹火身材，真係令氣溫再升多幾度！
王敏德細女影相無限尺度
除咗泳衣相夠哂火辣之外，Irisa仲有時會不經意咗露半球，仲試過半裸上身！
其實，Irisa一身小麥色肌膚，望落啲相都係帶住健康性感美！
雖然老竇就擔心個女衣著太性感會被人睇蝕，但其實啲相都感覺正面，同埋個女都大，有自己諗法，想著咩衫，老竇都未必理到咁多嘅～
