陳冠希大彈鄧紫棋歌藝唔夠班二人隔空串爆對罵！

節目組公布明星製作人名單

熱播中嘅內地選秀節目《中國新說唱》，明星製作人有五位，包括：吳亦凡、MC HotDog、張震嶽、潘瑋柏同鄧紫棋（G.E.M.），而G.E.M.更係節目中唯一一位女明星製作人。

早前，當節目公布明星製作人名單嘅時候，有人就覺得G.E.M識唱歌唔等於識Hiphop。

因此，有部分人對節目嘅導師名單好不滿，甚至指點解個節目會有G.E.M.。

陳冠希彈鄧紫棋唔夠班

除咗網友指G.E.M.嘅rap經驗尚淺，質疑其資格外，陳冠希亦都睇唔過眼，串咗G.E.M.兩句。

陳冠希喺MC HotDog嘅IG留言：「LOL Hahahah again on some BS.」「Rappers???? hahahahah u mean a stage full of …／not rappers right???」取笑G.E.M.唔係Rapper。

鄧紫棋串爆反擊

但G.E.M.就一於少理，仲喺IG Post咗一段Rap，串爆睇唔起佢嘅人「誰能像我，早在二十五歲開百場的巡迴，LIVE從不對嘴。」

節目組亦公開咗一班導師親自填詞rap嘅片段，其中G.E.M.以歌詞寸爆haters！

一開始就叫所有女孩企起身，仲暗寸啲睇唔起女性嘅人：「把你石器時代的思想全都拋開」

G.E.M.仲用佢嘅巨肺rap出：「要是不服的話，你高得上去嗎？」唱咗一段高音，分明串死haters！

鄧紫棋成功逆襲

片段一公開，G.E.M.就逆襲成功，獲得粉絲力讚，亦有網民指佢嘅實力比只會批評別人嘅人更有實力。

另外，有網民撐佢嘅實力拍得住一眾男導師，絕對係實至名歸！

作品說話🤘🏻 #中國新說唱詞：G.E.M.鄧紫棋 Enough guys, Its my time 這是女孩站起來的時代好戲快到來要立塊招牌把你石器時代的思想全都拋開現在請你拿好凳子其實我的名字有更厲害的意思 Im GEM 這是我的使命 Imma get everybody moving 誰能像我早在二十五歲開百場的巡迴 Live從不對嘴神馬三押四押老娘給你一打 Yo管你來自地下或來自天上就算你再質疑嗎我還是堅強 Oh 你我都一樣有著夢就該去想我又不是經不起風浪我就是現代木蘭 Oh 誰最偉大是女字旁的她大哥你學第一句話叫的不就是媽媽 My Ladies 我們啥啥也並沒有在怕哈你注定在我底下要是不服的話你高得上去嗎 #我是女生 #我是凳子其 #不服你高得上去嗎 #我幫你唱hook

A post shared by G.E.M. (@gem0816) on Jul 14, 2018 at 8:26am PDT

陳冠希帶愛女睇時裝騷

早前，陳冠希（Edison）帶同1歲寶貝女Alaia飛咗去巴黎睇其女友秦舒培行catwalk。從Edison上載嘅相中可見，Edison手抱愛女，唔知係咪見女友出場，Edison笑到四萬咁口，十分開心。另外，囡囡Alaia亦同樣眼定定咁睇場時裝騷，認真識貨！

山長水遠飛到巴黎睇女友行騷，Edison就緊係要影低秦舒培行貓步一刻，拍片擺上網外，仲sweet爆留言叫女友做「MY QUEEN」，放閃指數爆燈。

陳冠希愛女變潮童

現時37歲的Edison自從升呢做老竇後，就變成潮爸。佢當然唔會放過任何一個為愛女Alaia打扮嘅機會。原來喺出席時裝展前，Edison就同Alaia裝身，著上一身潮牌，立即成為真潮童！

秦舒培上年3月為陳冠希誕下愛女Alaia，有女萬事足嘅Edison不時都放相上個人社交網，同大家分享湊女之樂。

Edison更會帶埋女友同囡囡一齊去睇球賽，共享天倫之樂。

其實，有Edison呢個潮爸，仲有一個做模特兒嘅媽咪，無論要做潮童定模特兒，都一定係件非常輕易嘅事！

今年3月，二人就為Alaia搞咗個生日派對，囡囡有咁多人錫，真開心！

秦舒培貼父女照賀陳冠希37歲生日

上年10月陳冠希生日，他和秦舒培到上海，二人雖有工作在身，但仍不望抽空陪愛女Alaia。要B女一齊坐飛機，全因Edison想在10月7日生日當天有女兒陪在身邊！秦舒培更於IG大貼Edison父女照，並以留言「Happy birthday my man」送上生日祝福。

與陳冠希賀生日的除了女友和囡囡，亦少不了各方好友。在熱鬧的生日飯局中，秦舒培與男友影形不離，相當恩愛。

榮升人父陳冠希：「以家庭為先」

誰想到情史豐富的陳冠希竟有做爸爸的一天呢？自女友於本年3月誕下愛女Alaia以來，Edison續漸化身成女兒奴，經常替愛女打扮，更一改以往性格，大方與網民分享當爸爸的快樂。一副慈父look的陳冠希對女兒呵護有加，時常親手抱女，他的這一面，相信在Alaia出世前從來未曾嚗光！

關鍵詞

鄧紫棋陳冠希 G.E.M.

陳冠希大彈鄧紫棋歌藝唔夠班 二人隔空串爆對罵！