陳冠希街頭怒鬧拍片者獲力撐 「不要搞我和女兒！」
原文：Sundaykiss-Kammy｜圖片來源：微博、Instagram｜編輯：東方新地
陳冠希破口大罵偷拍者
現年39歲嘅陳冠希一向出晒名好火爆，不過佢自從同秦舒培生女後，其實佢嘅脾氣已經收劍唔少，仲搖身一變成好老公、慈父，一家三口十分幸福。近日，Edison同囡囡Alaia去日本旅行，期間遇到位操流利普通話嘅網民要求合照，但當時Edison指住身邊嘅Alaia，禮貌地拒絕：「跟小孩子一齊啊！今天不好意思呀！」
Edison拒絕對方後，拖住囡囡繼續直行，點知個位網友竟然繼續跟住Edison，直播住咁偷拍佢哋，仲令到Edison發火！Edison一手搶去對方嘅鏡頭，更對住鏡頭警告對方「下次見到我，不要這樣了」
點知，個拍片者繼續跟住Edison，令未平熄怒火嘅Edison再度「扯火」！拍片者喺片中透露，畀Edison踼咗腳，叫佢唔好再咁因為大家都係斯文人，仲話「我全家都在這邊，你這樣不太好吧」、「這裡有十萬人在看」，點知Edison一反擊：「我的微博有三千萬人呀！你想怎麼樣啊，你還跟著我。」
陳冠希：我跟我小孩子的時候，你不要搞
其後，Edison再次搶去鏡頭，警告在收看嘅觀眾，下次如果喺街上見到佢同小朋友一齊，千奇唔好搞佢，如果唔係佢就會有相同反應（發火）。
Edison破口大罵之後，就拖住囡囡離開，點知回頭時發現拍片者好似想繼續跟住自己，就繼續罵戰「你還要跟拍嗎？你還跟？你去另外一邊。」而片末，拍片者就堅稱自己冇去跟拍。
網民支持陳冠希舉動
拍片者原本想為自己抱不平，點知唔少網民竟然一面倒支持陳冠希，「藝人有自己的私生活，本來不應該打擾人家」、「觸碰別人底線被罵本來就活該」、「當第一次人家禮貌回絕的時候，這主播就應該收手了」。不過件事誰對誰錯，就要大家自行判斷啦！
陳冠希破口大罵偷拍者 全片：
Posted by SK Test on Tuesday, 2 April 2019
40萬豪買玩具 陳冠希被轟教壞女
陳冠希既是服裝品牌老闆，又一直走在潮流尖端，不過為了潮流和名牌大曬金錢的行為卻不是人人認同。陳冠希最近於IG發文大哂Supreme x Stern Pinball Machine DEADSTOCK波子機，波子機的價錢非常誇張，原來售一萬美元，但於拍賣網已被炒至近40萬港元。除非是發燒級潮流收藏家，不然不會購買。
陳冠希曾將炒值過百萬的Supreme x Louis Vuitton 2017名牌箱變成女兒玩具箱，箱子大得可以把女兒整個人裝進去。
不過網民對陳冠希接二連三嘅炫富舉動都相對負面，質疑他會教壞女兒。「個女咁細就教佢用名牌，第時大個肯定變超級港女」、「講真部波子機一千都畀多，佢成日咁晒法，其實佢驚唔驚做壞榜樣教壞細路」、「女女都變名牌奴隸」等。
陳冠希曬囡囡百萬「玩具箱」
陳冠希在聖誕節於社交網上分享女兒的萌照，並留言：「ALAIA’S TOY CHEST（Alaia的玩具箱）。」2歲的Alaia紮著馬尾，抱著熊公仔，並安靜咁坐喺裝滿玩具的箱子中玩耍，可愛指數爆標！
雖然Alaia愈大愈精靈，但網民嘅焦點卻放喺呢個「玩具箱」上。有眼尖網民發現，Alaia的「玩具箱」可謂價值不菲，該箱是LV 與 潮牌Supreme在2017的聯乘產品「Malle Courrier 90 Red Trunk」，公開發售時定價為美金＄68,500（約港幣＄540,000），後來被炒上瘋狂價位，甚至有拍賣場以美金＄125,000（約港幣＄1,000,000）成交，有持續升值空間，被稱為「天價收藏品」絕非無道理！
網民笑：晒囡定炫富呀！
但愛女心切的陳冠希就非常捨得，拿畀囡囡當「玩具箱」用，引來網民「葡萄」留言：「好想當你的小孩。」、「有史以來最貴玩具箱。」、「一個箱子都可以在我們那兒買套房子了，貧窮限制了我的想像力。」甚至有網民質疑，陳冠希此舉不單是晒囡，更是在「呃Like」炫富！
出生名人家庭
陳冠希本身有經營潮牌事業，加上女友秦舒培本是內地超模，同時亦是不少高級時裝品牌的代言人。Alaia因老竇及媽咪生活圈子關係，一出世就接觸不少時尚食物，潮牌、潮物上身可是家常便飯，甚至連玩具箱都可以用上百萬。
當爸仍不趕著結婚
升呢做爸爸嘅陳冠希，不時大晒湊女日常，慈父樣出晒嚟，同過往「壞男孩」形象有著很大落差。早前，曾在採訪中被問到幾時會同秦舒培舉辦婚禮，佢就大方表示「仲未有有時間」，更認為「結婚就是一張紙」，現在一家人生活開心才是最重要的。
陳冠希38歲生日 一家人坐旋轉木馬
自從陳冠希做咗爸爸就收心養性，以家庭為先。之前陳冠希38歲生日，秦舒培就貼上一家三口到遊樂場大玩嘅相，他們坐喺旋轉木馬，秦舒培拿著手機甜笑，而陳冠希抱著囡囡展露開心笑容，囡囡就未有望鏡頭，但佢個可愛樣，點做都迷死人。
秦舒培貼父女照 賀陳冠希生日
上年陳冠希生日，他和秦舒培到上海，二人雖有工作在身，但仍不望抽空陪愛女Alaia。要B女一齊坐飛機，全因Edison想在10月7日生日當天有女兒陪在身邊！秦舒培更於Instagram大貼陳冠希父女照，並以留言「Happy birthday my man」送上生日祝福。
與陳冠希賀生日的除了女友和囡囡，亦少不了各方好友。在熱鬧的生日飯局中，秦舒培與男友影形不離，相當恩愛。
榮升人父 陳冠希：「以家庭為先」
誰想到情史豐富的陳冠希竟有做爸爸的一天呢？自女友於2017年3月誕下愛女Alaia以來，Edison續漸化身成女兒奴，經常替愛女打扮，更一改以往性格，大方與網民分享當爸爸的快樂。一副慈父look的陳冠希對女兒呵護有加，時常親手抱女，他的這一面，相信在Alaia出世前從來未曾嚗光！
近日，陳冠希出席公開活動時，一提到囡囡Alaia就止不住笑意，坦言才離開家一陣子就很想念她。去年剛做新手爸爸的佢，對囡囡照顧都親力親為，佢仲笑言「有時候她（囡囡）拉屎很臭」。
過去性格火爆的陳冠希，似乎因為囡囡Alaia而徹底洗底。佢經常喺社交網站晒囡囡相片，可以看出佢真的是陪著囡囡成長。佢表示，「這種快樂難以解釋」。
被媒體問到是否會跟女兒視訊，佢表示唔希望囡囡太早使用電子產品，希望Alaia未來能多看書，一句話已經透露出佢對女兒的關心和期許。
陳冠希慈父上身
Edison更因有咗愛女後，瞬間變成慈父，不時會在其個人社交網「前世情人」Alaia的蹤影。依家的Edison已是個有女萬事足的男人，難怪獲女友封為「最好的爸爸」！
陳冠希帶愛女睇時裝騷
去年，陳冠希帶同1歲寶貝女Alaia飛咗去巴黎睇其女友秦舒培行catwalk。從Edison上載嘅相中可見，Edison手抱愛女，唔知係咪見女友出場，Edison笑到四萬咁口，十分開心。另外，囡囡Alaia亦同樣眼定定咁睇場時裝騷，認真識貨！
山長水遠飛到巴黎睇女友行騷，Edison就緊係要影低秦舒培行貓步一刻，拍片擺上網外，仲sweet爆留言叫女友做「MY QUEEN」，放閃指數爆燈。
陳冠希愛女變潮童
現時38歲的Edison自從升呢做老竇後，就變成潮爸。佢當然唔會放過任何一個為愛女Alaia打扮嘅機會。原來喺出席時裝展前，Edison就同Alaia裝身，著上一身潮牌，立即成為真潮童！
Edison更會帶埋女友同囡囡一齊去睇球賽，共享天倫之樂。
其實，有Edison呢個潮爸，仲有一個做模特兒嘅媽咪，無論要做潮童定模特兒，都一定係件非常輕易嘅事！
今年3月，二人就為Alaia搞咗個生日派對，囡囡有咁多人錫，真開心！
