【降魔的2】唔知黃子恆有無份 譚嘉儀：「不過佢留低咗個BB。」
撰文：東方新地 | 圖片：東星娛樂、劇照
唔知黃子恆有無得留低
無綫劇集《降魔的》播出後反應熱裂，有唔少觀眾都畀劇情感動到，所以決定加開續集。下年《降魔的2》將於一月份開拍，而近日桃色醜聞連綿不絕嘅黃子恆都有份出演第一集，外界就揣測唔知佢有無份參演第2集呢?
之前話過續集會由原班人馬出演，不過就唔知黃子恆有無份喇！近日歌手譚嘉儀出席電台訪問時就被問到黃子恆有無份出演，譚嘉儀就話：「真係唔知，第一集佢個角色死咗，但留低咗個BB。」下，又留低咗個BB? 有無咁巧合啊……
內地女粉絲爆料
有報道指，一位名為Michelle的28歲內地女子，自稱係黃子恆的忠實粉絲，透露去年4月在廣州粉絲聚會中，首次與偶像見面，之後二人一直透過微博聯絡。Michelle稱一星期後有禮物送俾黃子恆，所以相約於深圳一酒店式住宅會面。
送禮物兼發生關係
Michelle向傳媒爆料時表示，當時佢認為黃子恆係一個公眾人物，唔覺得對方係壞人，所以放心前去。最後兩人先後洗澡後，在床上發生關係。不過在發生關係後，黃子恆半年來都未有同佢見面，只係間中閒聊幾句，亦未提及二人關係。
回復朋友關係 再發生性行為
報道稱，Michelle與偶像發生關係後卻被冷待，傷心得足不出戶、茶飯不思，後來事件在粉絲群組爆出，黃子恆為平息事件，承認雙方是好朋友，不過中間發生了誤會。Michelle聲稱今年1月時二人回復朋友關係，7月又再相約在深圳見面，並發生了第二次性行為！
粉絲鬧爆「渣男」揚言要黃子恆失業
發生第二次性行為後，黃子恆再次玩失蹤，但Michelle不久後卻發現自己懷有身孕，但男方至今都未再有任何回覆。Michelle直斥黃子恆係一個「渣男」，誓要搞大件事，揚言要男方連工都無埋！Michelle表示手握對方做錯事而哭訴的語音檔案及留言，又稱將會選擇墮胎。
曾聲淚俱下道歉
Michelle又大爆黃子恆的語音檔，原來兩人玩facetime時，黃子恆曾以普通話及廣東話喊晒口道歉，內容大致上係講對唔住、好抱歉做出傷害對方之事，佢唔知道點面對，唔知道點樣去彌補。
黃子恆認曾發生關係：做足安全措施！
事件曝光後，男主角黃子恆接受傳媒訪問時，承認的確曾與Michelle發生性行為，但就只有一次，而且有做足安全措施，不介意去驗DNA以證明自己的清白。黃子恆又謂控制唔到對方做啲咩，只希望謠言唔好再散佈。
黃子恆現身回應 稱會負責任
昨日黃子恆為新劇《機場特警》開工，被大批傳媒追訪，黃子恆稱與該女粉絲已經年半冇見面，不過如果對方所說的事真係有發生，佢會負責任。又會如果有需要驗DNA，佢亦都會配合。
另外有報道指無綫高層樂易玲已叫黃子恆暫時先冷靜及專心工作，《機場特警》劇監製陳耀全亦表示唔會刻意刪減其戲份，但兩年前佢介入歌手裕美婚姻，如今又再爆出負面新聞，無綫方面隨時唔再容忍，黃子恆演藝生涯危危乎！
迪子鬧爆黃子恆：「唔係男人！ 」
日前繼續有關於黃子恆的桃色新聞爆出，有指佢曾經睇中過擁有35E火辣身材的歌手迪子，曾經喺半年內先後約過迪子三次，氹對方去佢屋企「提供服務」！雖然迪子拒絕，但不久後黃子恆又搵新藉口，話邀迪子上佢屋企喺Big Big Channel開live，不過迪子再次拒絕。
延伸閱讀：
黃子恆歷年緋聞多多 16年曾介入裕美婚姻
｜黃子恆16年被指介入裕美婚姻
其實黃子恆都唔係第一次出現負面新聞㗎啦，2016年時佢被指介入裕美與老公林恩浩的婚姻，兩人被拍到一齊到街市買餸，期間男方更主動攬實女方腰！親蜜關係不言而喻。兩人買完餸後就返到男方位於西貢的村屋，兩人夾手夾腳準備晚飯，裕美留低過夜之餘，更被拍到在露台晾Bra！
裕美：一班人開大食會
當時裕美個講法係當日係假期，所以一大班人開大食會，同行亦有其他幕後人員。一行人大約在八、九點離開，佢並沒有留低過夜。裕美又話自己正拍攝劇集，雖然同劇沒有黃子恆，不過自己好多嘢唔識，要向對方請教。最後佢話唔會理其他人點講，正如有人話佢整容一樣，佢唔會去理。
裕美驚爆離婚
之後被問到老公會否介意，裕美就驚爆已經搞緊離婚！佢話自己已單身半年以上，現在辦離婚手續，不過就唔回答是否出現第三者，只係話兩人性格出現問題，曾經試過挽救呢段婚姻，但最終都係解決不了。
裕美撻著有米外藉男友
裕美現任男友Alex係英意混血兒，家住半山豪宅，身家豐厚而且事業有成，曾在一間大型私人銀行任投資工作，現在是本地一間外語學校的創辦人。
裕美網上暗示手已分
不過裕美近日於網上暗示甩拖，喺IG一張相打上「一個人也能好好過」、「Enjoying the solitude(享受孤單)」、「Lonely Christmas(寂寞聖誕節)」等hashtag，裕美向傳媒表示兩人已分開一個月以上，話因為兩人分隔兩地、自己又要照顧媽媽，最終和平分開。
｜曾力媾女神Ali不果
黃子恆早年曾力媾當時上位中的李佳芯(Ali)，出動靚車接載對方到西貢撐枱腳食燭光晚餐，雖然最後齊齊返男方寓所，但據知Ali當時嫌對方仍是七線奀星，所以緋聞無疾而終。其後，Ali專心拍劇，更憑《潮流教主》人氣急升，現已為大台一線花旦！
｜吳若希落閘
黃子恆又曾被拍到與吳若希去赤柱食飯而傳緋聞，不過事後吳若希即落閘說：「朋友食飯，冇咩特別，我哋識咗好多年，佢好似哥哥咁。」黃子恆見未能得手，亦惟有認命只表示跟對方係朋友。
8大壞男人面相特徵
1. 鼻高眉揚＝無本心
鼻子高、眉毛上揚的人不甘於平凡，奮鬥心強、工作上較進取。不過在感情方面，這類面相的人掠奪心很強，他們為了個人的榮慾會搶人女友、老婆，以炫耀魅力，當搶到後更會無本心地玩完即棄。加上鼻頭尖勾，我為人自我，不論在職場和情場上都要提防！
2. 唇薄唇尖=不講情義
嘴唇代表一個人的情慾，若果他是嘴唇薄而尖的話，即是他是一位較心胸狭窄、薄情、刻薄、不理別人感受的人，在情場上遇到分分鐘一次又一次不理情面地背著另一半偷食！
3. 眉彎而齊=愛幻想
眉毛彎的人最愛就是幻想，有此眉毛的人，分分鐘看到你穿露趾涼鞋，都可以幻想成你在用腳趾挑逗他。
不過看到相中人，應該沒有人會再「上檔」吧！
5. 眼皮浮腫＝性欲強
俗話有云：「眼皮浮，性欲強。」想自己睡眠質素好一點，記得把「眼皮不要太腫」，納入擇偶條件中。
6. 狗公鼻 =餵唔飽
鼻的大小，代表男性性器官的威猛程度，愈大愈有需求，愈容易「餵唔飽」，如果好像狗隻般鼻頭有坑紋，就真是十足十狗公鼻，小狗有此鼻是忠心，男人有此鼻就是花心。
6. 潤腸嘴=大咸濕
男人天生好色，所以唇厚是正常。如果比起其他男人，特別厚就真是「大咸濕」。
總結：細看這篇文章時，相信大家都會馬上拿這些賤男面相特徵和自己另一半比較，當發現身邊人有齊以上8大特徵的你，不需要害怕，因為你分分鐘是第3、4、5……7者。
以上說法沒有科學根據，面相需要五官與面形同看才可作判斷，不過防人之心不可無，姑勿論你或另一半有此等面相與否，偷食前請三思。
