阿Sa 自爆有人追︰儲定多啲嫁妝
廣告
歌手蔡卓妍（阿Sa）今日出席英皇珠寶活動，身穿白色露背高叉連身裙嘅佢除咗索爆之外，更加係閃爆呀，點解？因為佢身上戴住全新系列綠寶石首飾，包括頸鍊、耳環同戒指，加埋總值超過一百萬！果然係珠寶襯美人呀！
延伸閱讀︰
《RM》全體歡送Gary 智孝強顏歡笑
陸永 細女一心 半夜大叫搵爸爸抱
儲定嫁妝
活動期間，司儀就問 阿Sa 今日會唔揀定珠寶送俾1月生日嘅阿嬌，佢笑指自己今個月生日，應該叫阿嬌送俾佢先啱！問到平時有冇儲珠寶嘅習慣，佢就話珠寶大部分都係老闆同媽咪送，直言希望儲定唔同顏色，嫁妝都可以再多啲咁話喎！認真搞笑！
生日要工作
問到佢22號生日有咩搞作，佢就話未知住，可能會係內地拍戲中渡過，而且年年生日大搞都會飲醉太辛苦，所以今年希望同幾個知己食餐飯就滿足！咁緋聞男友潘瑋柏會否一齊慶祝？佢就覺得非常不解，唔明自己點解會同佢傳緋聞，因為雙方雖然有共同朋友，但私下唔熟！
