小儀重提前男友感觸淚灑直播室 拍拖7年傷得極深：我個心突然好痛

小儀重提拍拖7年前男友

在節目的《霸王我最喜愛全球華人勁爆金曲至尊歌》環節中，小儀在選擇了樂隊Zen的《I Remember You》作為背景音樂，並在歪歪分享完他的故事後，開始談及自己與前男友的點滴。她透露，自己與前男友的父母關係非常親密，即使分手後仍有聯繫。當提到過去的回憶時，阮小儀情不自禁地流下了眼淚：

「我同佢（前度）嘅爸爸媽媽好熟，分開之後都探過佢爸媽。佢爸爸突然同我講一句：『Kitty，你唔好再諗住等我個仔，你諗下佢成屋都係玩具，有啲擺出嚟，但好多都收埋，其實佢唔會記得』。佢爸爸嘅意思係，你點等呢個人都冇用，佢唔會記得，你走啦。」

小儀感觸淚灑當場：我個心突然好痛

在節目的另一環節中，阮小儀繼續分享與前男友的回憶，她提到兩人常去的銅鑼灣西武百貨，這個地方對她來說充滿了回憶。「有日我揸車經過，發現西武結業（2006年），其實當時已經分開咗起碼六年，但我個心突然好痛，覺得個天連一個記得佢嘅地方都唔畀我…但我仲嬲自己嘅係，點解我仲要記得你呀！我好唔開心，喺車度喊，打畀森美，當時佢話『你仲掛住佢做咩？佢有腳臭㗎』。」

森美1個暖心安慰獲讚

她感性地說，「其實分咗手咁多年仲喊乜鬼？但嗰下真係觸景傷情，結業話畀我知，一定要忘記呢個人。」嘉琪問：「但係你到依家都忘記唔到喎？」森美則安慰她，表示掛念舊愛並無不妥，「其實掛住對方冇問題，因為你真心愛過佢，但唔好自私，唔好要對方一定喺你身邊、一定要愛你。」事後，不少聽眾都大讚森美講得有道理，而且好暖心！

曾喊住自爆係衰畀第三者

阮小儀曾在ViuTV節目《吃掉前男友》中提到這段感情，她坦言這是她人生中最深的一次傷痕。「我次次都衰畀第三者，命嚟㗎，我用好多時間去醫自己，去平復心情！」