關心妍為發燒愛女沖凍水涼降溫！網民插無知：生仔要考牌！
撰文：Chloe (原文刊於：Sunday Kiss)、東方新地 | 編輯：東方新地|圖片：關心妍IG、楊長智IG
關心妍幫發燒愛女沖凍水涼
近日，關心妍出席活動提到早前於社交網站透露女兒患流感，她表示女兒現時經已康復。初時緊張以為中流感，手忙腳亂幫女兒搵方法退燒。佢表示，有人教沖熱水涼，又有人教沖凍水涼，最後她決定嘗試為女兒沖凍水涼「降溫」。
怎料情況沒有好轉，更令心心凍到打冷震、嘴唇發紫。最後，佢立即帶她睇醫生，結果都要食抗生素。Jade自認是新手媽媽缺乏經驗，所以誤信了偏方令女兒受苦。
網友插「關家姐」無知
網民睇到「關家姐」呢個湊女經歷，都插佢無知、冇常識，指幫 2 歲半患病的囡囡沖凍水涼，好易出事，又有網民話「關家姐呢單嘢 …… 生仔真心要考牌」、「佢自己未試過病？佢自己病都唔會沖凍水涼嚟退燒啦！」
關心妍等足7年才懷孕 全靠暖子宮
2016年關心妍誕下囡囡Jovia，錫女錫到燶嘅佢曾經講過，有咗囡囡之後，「無咩都想留喺屋企湊囡，唔好話復出，連出門口都有困難啊！」原來呢一粒掌上明珠得來不易，兩公婆一等，就等足七年！到底他們最後用什麼方法 造人成功 ？Jade揚言：要 懷孕先暖子宮！
37歲Jade自2009年嫁金融才俊楊長智，對於生B一事，有感大家依舊年輕，未急於全力造人。一年一年過去，到 33歲開始認真計劃，期間有停工休息，希望在無壓力下造人，但換來多次詐糊。兩夫婦曾互相質疑過，再扶持，尋遍坊間的求子秘方，甚至考慮人工受孕，若果都 不行的話，或需領養小孩，希望最終有一個完整的家庭。
前年，Jade覺得要試任何懷孕方法前，必先養好身子。去年底終於有好消息，Jade自然懷孕成功，她笑言得知有孕的一刻，如果可以跳的話，真是開心到跳起！而家囡囡已經1歲大，睇住囡囡健健康康咁成長，一定好感動！
「我又唔係好高齡，點解咁困難嘅？」Jade這七年間也不禁質問，她一早知道「有仔趁嫩生」，婚後一直有造人，只是頭兩年未好恨生B，抱着嘗試的心態去造， 「冇就唔緊要啦，再等吓先囉，第一我哋仲後生，第二又唔急嘅。」直至35歲開始踏入高齡產婦階段，Jade開始心急，2013年更全面停工，與老公飛到加拿大休息，放鬆心情去造人，以為今鋪實中，豈料試足一年卻失望而回。
是否自己身體出問題？她尋遍中西醫求子，所有秘方、食療也一一試盡，「坊間你講得出嘅我都試過，食過好多詐糊，慢慢我哋變得沮喪，我相信所有想要小朋友但不果嘅夫婦都會明白，點解咁嘅？想要小朋友嘅時候，可以難到咁嘅？真係好難呀，難到你都唔相信，有冇咁難呀？」直至去年確定懷孕，Jade直言真係好似中咗頭獎咁啊！
1. 戒凍飲、多飲紅棗水
以前我冇咁乖，試過飲中藥唔得就算，咁我冇 可能長期用中藥調理，一路調理一路都冇係好沮喪㗎嘛。後來我試吓天然食療，戒凍飲、多飲紅棗水，又從日常生活改變吓習慣，開始做一啲暖子宮嘅嘢。
2. 臨睡前浸腳
腳部是人體的「第二個心臟」，中醫亦有云：百病始於足，故女人的腳部護理十分重要，好好溫暖雙腳能有效促進血液循環、促進睡眠，更有助溫暖子宮，於是 Jade每晚臨睡前浸腳，在家也着襪，長期保持腳部溫暖。「女人對腳好緊要，寒氣、濕氣都喺對腳吸上去，好多人返到屋企就除晒鞋襪，好舒服呀，或者覺得熱 呀，原來唔着拖鞋係唔好，仲應該要着襪，我好乖每晚臨瞓都浸熱對腳，我相信或多或少都有幫助。其實任何方法都一定要身體好，就算做試管都要睇自己捱唔捱 到，成功令受精卵着床。」
精采回顧愛女百日宴由古巨基設計場地
Jade於2009年下嫁金融才俊楊長智，不過有感大家依舊年輕，未急於全力造人。直至後來全面停工，用盡各種方法谷胎，終於喺2016年終於誕下女兒Jovia！兩公婆為Jovia舉行百日宴，可見現場布置充滿童真，以白色及粉紅色為主，不單有大量心心汽球，中間更有一隻巨型吹氣熊仔！場地布置得咁靚，原來係由古巨基設計㗎！
Jade貼心地將百日宴分兩場舉行，先有自助午餐宴請親友，下午則以酒會形式招待好友。Jade指籌備百日宴有如搞一個大型project，比自己的演唱會更誇張！另外宴會上亦不斷放映出Jovia的可愛生活照，一家三口十分幸福！
關心妍 感激蔡一智夫婦撮合
關心妍長於單親家庭，自幼跟媽媽生活，欠缺父愛，而Jade形容自己在過往的戀愛經歷是情路坎坷！所以她對於結婚一直都冇憧憬，但十多年前，多得草蜢成員蔡一智的介紹他認識了現時丈夫楊長智，而二人第一次約會是在草蜢紅館演唱會的後台，結果蔡一智當了月老，成功牽紅線，Jade和楊長智拍拖多年後結婚！所以，草蜢開騷，Jade一家三口拉隊現身支持！
促成幸福美滿姻緣
十一年前，蔡一智同太太周雪芳結婚，周雪芳找來關心妍當伴娘，而楊長智做兄弟！估唔到二人冇幾耐開始拍拖，之後結埋婚，緣份天注定！所以今年阿智的結婚周年，就約埋關心妍夫婦一齊慶祝！關心妍在其Instagram留言話：「雖然每年都講，雖然講了十一年，但還是要感謝你們倆(蔡一智和周雪芳)，將這幸福Yangjonas(楊長智)介紹給我！Happy 11th Anniversary！拍拖十一周年快樂 ，結婚十一周年快樂。」而楊長智亦有發文表示要多謝蔡一智和周雪芳：「祝你們結婚十一周年快樂，多謝關心妍。拍拖十一周年快樂， Alllove。」
填補心中的遺憾
不經不覺心心已經1歲多，見佢眼大大、頭髪濃密，面仔紅卜卜，成個洋娃娃咁，真係人見人愛，有網友封佢做「萌主」！對於丈夫和女兒走進生命，Jade覺得很感恩，因自小爸爸離異，她對從來沒有過父親節的她是很感動，也填補Jade心中的遺憾。
和心心上契
今年農曆新年，蔡一智和太太周雪芳帶同一對子女去關心妍家拜年，更帶金飯碗同心心進行上契儀式，現時兩家人也會在大時大節約埋慶祝！
