水水被龔燁私有化後首遇曹總 斷言再拒對方！
撰文：東方新地｜圖片：Instagram、《愛．回家之開心速遞》截圖
《開心速遞》龔燁熊若水終開花結果
昨日3月14日，《開心速遞》第534集以「白色情人節」為題，劇情講述龔燁 (張景淳飾) 得知熊若水 (呂慧儀飾) 喜愛華仔，於是相約對方在白色情人節睇騷，點知遇上一個特別環節……
「Kiss Camera」失良機
呢個特別環節正是「Kiss Camera」！龔燁與阿水剛巧被鏡頭選中，本以為兩人可以藉此機會令感情升溫，但卻一直猶豫不決，最終錯過時機，尷尬苦笑收場。
再睇演唱會 事前做足準備
不過由於劇情需要，龔燁又得到華仔演唱會飛，再次約阿水睇希望把握到親吻機會。對龔燁向來有好感的阿水今次決定做足準備，務求以最佳狀態示人！
龔燁最終甩底
可惜，龔燁突然有公事要辦，未能去睇演唱會，本來滿心歡喜的阿水接到電話後頓時變得失落，不過亦大方表示：「唔緊要啦，你做嘢重要啲嘛！」
愛心曲奇表心思
後來在機緣巧合下，龔爸爸將龔燁親手製作、但後來丟棄的曲奇交給阿水，曲奇寫有「Mary I love You」的字樣，龔爸爸更代兒子說出心底話。阿水聽了後若有所思，最後決定相約龔燁見面！
白色情人節上演世紀一吻
去到劇集末段，龔燁與阿水在夜幕月色下的噴水池邊相會，阿水拿出被棄置的愛心曲奇，向對方盡訴心中情，表明願意給對方一個機會做自己男朋友！
阿水盡訴心聲
深深一吻來代替講話
沉默過後，正當阿水擔心自己會否「食檸檬」之際，下一秒龔燁和阿水嘴唇已經緊緊貼上，以深深一吻來代替講話！這段歷時一年三個月、一波三折的「龔水戀」，終於在白色情人節開花結果，不少一直追看《開心速遞》的觀眾都睇到好感動！
被私有化後首遇曹總
點知啱啱呢頭成功出pool嘅水水，竟然喺電視城遇到痴纏嘅曹總（劉一飛飾演）！今日呂慧儀喺IG post出一段巧遇一直喺戲中苦苦追求佢嘅曹總，呢個不期而遇反令水水先嚇一跳！
曹總一見心目中女神，就即刻興奮以唔話：「水水，我終於等到你啦！」，不過，已經名花有主嘅水水就緊係馬上答：「你有沒有看昨晚那集？你不要再等我了，曹總。我覺得你應該要回去MyTV Super，再看多數次，清醒一吓！Bye！」
睇段短片，似乎曹總仲未知水水已經同龔燁一齊，而片尾曹總一句都未有同水水講咩，只係無奈同水水講一句：「Bye…」，好sad呀！
有片睇！
曹總一角深入民心
在《愛．回家之開心速遞》中，劉一飛飾演的曹總是劇中其中一個受觀眾愛帶的角色之一，皆因他雖身為集團主席，但其親民及有義氣的個性，非常深得民心！而且，另外一個最搶眼的原因，就是他一口唔咸唔淡的廣東話，完美演繹大陸土豪！
曹總一角如此入屋，劇組就當然食住上，之前就有集講述曹總追求熊若水(呂慧儀飾)。
起初若水再次被曹總追求，又送花、落電視廣告表白，她亦認為對方是真心追求自己，故抗拒態度逐漸軟化，嘗試接受曹總。
曹總被若水打傷
但若水始終都是介意曹總的外貌和身型，無法接受其外表，故當曹總想想錫若水時，她一時情不自禁，不小心一拳打傷了曹總的鼻子。
曹總即時倒地並問若水：「點解喺咁浪漫嘅情況，會引起你暴力一面？大家都係畀啲時間冷靜一下。」
曹總傷心到仲喊晒咁離開，之後邊行邊講：「點解會咁樣啊？」睇到曹總被心儀的對象狠狠打一拳後流哂鼻血咗，就知若水出手幾無情。
網民驚現曹總IG
早前，網友們竟然於網上搵到曹總IG，仲於網上被瘋傳，短短幾日，已有3千多人追蹤，而曹總的帳戶卻只有追縱一人，那人就是熊若水，即呂慧儀IG帳戶，故不少網友大讚「好連戲」！
曹總於IG中亦有po相放上平台同大家分享心情及近況，例如曹總曾po相及留言指：「鼻子再痛都會康復，那麼心呢？#不會放棄 #開心速遞 #不是，是傷心速遞」
網友見到曹總仲咁傷心，就不斷留言鼓勵他，叫曹總不要放棄！
更有趣的是，原來曹總亦會親身回覆網友留言，果然與他親民一面如出一徹！
即時回顧：
呂慧儀 黃文廸宣布離婚
現年36歲的呂慧儀，於2006年參選港姐取得季軍後加入娛樂圈，並於2011年嫁香港先生男友黃文廸，二人育有一子，但前日呂慧儀老公黃文廸被踢爆在巴士上啜女，呂慧儀最初回應老公偷食表示「屋企事不回應」，但及後二人發表共同聲明表示已於2018年變回朋友關係，二人已於去年離婚，不敵七年之癢。
呂慧儀透過社交網站宣布離婚消息，全文如下：
「在不同的時空，兩個人可以相遇，相知到相愛，相處了十多個年頭，確實不容易，我們比誰還要清楚了解彼此，在四年前，我們有了愛情的結晶品，小生命為我們添上了很多家庭上的滿足和快樂，我們都感恩小生命的到來，希望他與普通小朋友一樣，平凡的健康快樂地成長。
我們在平和溝通下都有了共識，亦為免各界朋友有無謂揣測或聯想，今天我們想向大家作一次性的交代，我們已於2018年決定由夫妻變回朋友關係，當時的決定亦不涉及任何第三者。我們選擇低調處理是為免影響兒子的成長。」
「永恆不變的是，我們仍是兒子的父母，所以我們會共同撫養兒子，我們也會好好安排及處理兒子的事情，各界朋友亦不用擔心，希望大家給我們和孩子空間，讓孩子能與普通小朋友一樣，不受追訪下寧靜地生活成長。我們會一如以往的繼續努力工作及照顧好兒子。雖然身份轉為朋友，但我們仍是彼此相知和關心的，都希望對方能生活美滿。在此再次感謝各界朋友關心。」
好拍檔張景淳力撐呂慧儀
在早前呂慧儀公布離婚消息後，在《開心速遞》中與呂慧儀被封「龔水CP」的張景淳，亦有在IG Story貼圖撐好友。
5大方法走出離婚陰霾
｜自己一個散心
連日嚟，除咗被受傳媒追訪外，相信另一方面最難嘅係要將自己個人私事公開後，再面對公眾嘅討論。幸好，長腳蟹獲唔少網民、朋友等支持，繼續以正面態度面對一切。就算送完囝囝返學後，寧願自己一個靜靜地行山散心。
一個人遠離煩囂嘅長腳蟹繼續以素顏自拍上鏡，望落心情唔錯，同時亦為自己打打氣，於留言中hashtag「#haveaoodday #願一切安好」，似乎係希望一切快啲過去之餘，亦對未來充滿期望！
｜投入工作
雖然長蟹腳同老公黃文迪離婚，敵不過七年之癢，但生活依然要繼續，故宣布分訊後亦返到TVB電視廣播城開工。當時，長腳蟹表示依家自己會專心工作同照顧囝囝（Anton），而寄情工作從來都係最快忘記傷痛嘅方法之一。
｜搬返娘家重新出發
以往，長腳蟹同前夫居嘅愛巢喺天水圍，不過離婚後就當然搬返出嚟。據知，依家長腳蟹收工後會返去屯門龍門居同父母住嘅娘家住。
當然就唔少得帶埋囝囝返娘家，一於同公公婆婆一齊重新開始。近日，長腳蟹就被影到喺附近超市買士多啤梨俾Anton食，亦買咗藥材煲湯俾呀仔飲，真係位廿四孝媽咪！
｜專心湊囝囝
長腳蟹對囝囝愛護有加，雖然離婚後Anton會由雙方共同撫養，但身為媽咪嘅呂慧儀即做工作忙碌，但一有時間都陪伴呀仔，又親自下廚，又帶呀仔做運動，專心湊囝囝為首任！
｜對往事封嘴
由宣布離婚一直發生唔少事，但為免事件再發酵，即使返廠途中，早已喊到眼腫及聲沙嘅長腳蟹被截停受訪，但仍堅持唔回應，全程保持笑容兼友善同在場記者打招呼、拍照，行為大方得體！
無論係對前夫，抑或係昔日好姊妹遭網絡公審，長腳蟹都一律唔回答，為免任何一方會被愈描愈黑，故只表示多謝大家關心，一來保護自己，二來亦保護對方。
