閃電現身 宋仲基爆紅王子look
廣告
何超蓮、吳雨霏、樂基兒同丁子高夫婦等出席時裝騷，而壓軸韓國男神宋仲基出場時，全場即尖叫起來，紛紛大叫oppa！Oppa穿爆紅色西裝內襯黑恤衫，型爆登場，而且主動向在場所有人揮手，認真親民！
今次宋仲基可以話係閃電式來港宣傳，因為逗留唔夠24小時就走，由於行程緊密，所以傳媒訪問唔夠十分鐘，而佢只答兩條問題，就係是否首次來港睇時裝騷，宋仲基透過翻譯員說：「係呀，好開心，第一次嚟香港睇時裝騷，好多謝品牌邀請。」而第二題就問點睇呢身紅彤彤造型，佢識做說：「好多謝設計師邀請我嚟！」至於點睇香港女仔，及有人話佢似陳慧琳大仔，翻譯都話冇回應。
