鍾麗緹疑第4度懷孕 老公張倫碩透露風聲

撰文：東方新地｜圖片：微博、新傳媒圖片庫

47歲鍾麗緹懷疑有喜

現年47歲的鍾麗緹，於2016年與內地男星張倫碩結婚，本已育有三名女兒的她，揚言希望今年為老公生BB，完全無懼做高齡產婦！近日就有網友在社交網上載了鍾麗緹現身醫院婦產科的相片，相中見到佢著住彩色長衣搭配白褲，厚底白鞋步出超聲波診室，滿臉笑容，唔通好事近？

鍾麗緹準備好再做媽咪

早前她接受傳媒訪問時，指自己隨時都準備好再做媽咪：「睇吓點可以快啲有，醫生建議我哋唔好夜瞓，避免飲酒或者咖啡嘅飲品，盡量放鬆心情，可以做瑜伽同按摩或食啲有營養嘅食物，令身體更健康，先會容易懷孕。我哋會加油，有好消息就會公布。」

鍾麗緹老公有暗示

正當有唔少的網友估計鍾麗緹可能第四次懷孕的時候，張倫碩近日就喺微博貼咗張黑白照，並留言話：「萬事俱備，只欠東風，起風吧！哈哈哈」，難道係暗示自己就嚟要做爸爸？

當問到老婆是否懷孕，張倫碩則回覆傳媒：「暫時沒有好消息公布，只是去做一些準備懷孕的檢查，問下醫生有關準備懷孕的注意事項及飲食上的問題。如果有好消息一定會第一時間通知大家。」

鍾麗緹已有三個女

大家都知佢本身已育有三個女，大女Yasmine Ross是同第一任丈夫Glen Ross所生，其後與第二任丈夫嚴錚，育有兩個女嚴稚晴（Jaden）及嚴紫凝（Cayla，後改嚴稚稜）。值得一提的是，而家三個女兒都已改姓張，分別叫張敏鈞、張思捷及張凱琳。