鍾欣潼疑似同母異父細妹曝光 21歲鍾芝茵終於出鏡？！
廣告
鍾欣潼（阿嬌）自嫁老公賴弘國後，升呢做幸福人妻，生活自己然比以住更輕鬆快樂。日前，阿嬌因家傭姐姐要退休，於是佢於個人社交網上載一張與家傭姐姐在內的全家福，點知就令疑似與阿嬌同母異父嘅妹妹曝光！
撰文：東方新地｜圖片：Instagram
疑似鍾欣潼同母異父細妹曝光
鍾欣潼娘家一直有請家傭姐姐，因家傭姐姐已照顧阿嬌近20年，故對方可以話係睇住阿嬌大。日前，家傭姐姐要退休回鄉，阿嬌更特此出post表示自己嘅不捨之情，更po出與家傭姐姐嘅對話。
阿嬌更為家傭姐姐特登晒出與姐姐一齊合照嘅全家福相，見到相中有阿嬌、阿嬌媽咪同家傭姐姐外，見到仲有一位五官標緻嘅靚女，望落仲有同阿嬌有幾分相似！有網友就估該位靚女係阿嬌嘅同母異父嘅妹妹，則現年21歲的鍾芝茵。
由於阿嬌向來都好保護妹妹，無咩公開過妹妹個樣，其後阿嬌嘅經理人Mani亦表示相中人其實係阿嬌嘅表姐，才真相大白！不過，相信依家大家都知原來阿嬌個表姐同阿嬌一樣都係個靚女！
鍾欣潼主動發文求關注
日前，鍾欣潼（阿嬌）喺微博公開留言：「孟非老師你好，我是你的死忠粉絲阿嬌，鍾欣潼，能互相關注一下嗎？」由於阿嬌好直接咁喺微博主動發文要求關注，所以令唔少網友都唔敢相信，以為阿嬌俾人偷咗帳號嚟用！
否認被盗帳號
有見及此，阿嬌過咗一陣都再次留言，指自己並冇被盗帳號，解釋咁做嘅原因係最快同最容易可以接觸到孟非老師！
其後，阿嬌仲有啲尷尬咁留言：「老師，不好意思，冒昧的要求把你拉出來了！」仲話已經私訊咗孟非兼等梗對方回覆！阿嬌呢個求關注嘅行為就好似一個小粉絲，認真搞笑！
孟非是誰？
同大家介紹番阿嬌求關注嘅孟非是何許人啦！其實孟非係內地一位知名主持人，以其標誌性嘅光頭形象深入民心，加上口才了得，佢所主持嘅內地節目《南京零距離》更成為當地收視率最高同埋當時全國廣告價格最高嘅電視新聞節目，非常了得！
關鍵詞
鍾欣潼
