錢小豪有骨氣拒接拍呢啲廣告 網民：呢啲先叫做有良心嘅藝人

撰文：占士│圖片來源：電影截圖、Facebook

錢小豪戲裡戲外同樣正氣凜然

網民：呢啲先叫做有良心嘅藝人

錢小豪喺80年代拍拍埋埋咁多恐怖片，捉鬼嘅形象深入民心，不過錢小豪唔止係喺戲內正義感十足，戲外一樣正氣凜然，亦唔會為咗五斗米折腰！因為有一種廣告，佢係絕對唔會拍㗎！

錢小豪拒為五斗米折腰

揚言拒代言呢種廣告

日前香港電影導演章國明喺社交網站發咗張相，照片中除咗見到佢相識四年嘅台灣好友黎伊滌，仲見到錢小豪！章國明大爆錢小豪酒後吐真言，話絕對唔會幫財務公司拍廣告，同埋唔會咁笨做導演。

宋慧喬拒絕代言日本廣告獲韓國網友激讚

除咗錢小豪之外，有種廣告宋慧喬亦學似佢咁，堅拒接拍。講緊嘅就係日本汽車廣告，不過大家唔好誤會，據知宋慧喬之所以唔拍呢間公司嘅廣告同國家並無關係。佢拒拍嘅原因係因為嗰間公司喺二戰期間，曾經強征十幾萬韓國人進行強制勞動，而且至今都冇為此事道歉！所以宋慧喬唔接呢個汽車代言，即刻俾大批韓國網民大讚！