錢嘉樂、洪天明、文頌嫻同錢小豪四家人，約埋一起齊齊於剛過去嘅父親節食飯慶祝！幾家人帶埋小朋友到場，有老有嫩三代同堂，場面真係好warm！而洪天明爸爸洪金寶就好錫兩個孫，天明大仔TJ同細仔JT輪住俾爺爺抱，洪金寶更拎住手機為兩個孫影靚仔相，又不斷氹個孫擺甫士，等佢可以影餐飽！

高麗虹都有現身

當日洪金寶嘅太太高麗虹亦有出席，冇見一排高麗虹依然keep得好好，皮膚滑過蛋白！

錢嘉樂細女好可愛

洪天明於微博表示，當日係錢生請客！而錢嘉樂同太太湯盈盈亦帶埋大女Alyssa同9個月大細女Kassidy跟大家見面，Kassidy開始學行，同其他哥哥姐姐合照時，因為仍未企穩，所以要姐姐扶實！一頭短髮嘅Kassidy臉圓圓、眉清目秀，愈大愈精靈可愛！

洪天明笑言大仔TJ送嘅禮物，整到佢似樹熊多啲，好搞笑！

全文完

延伸閱讀︰

全力反小三 娛圈正印站起來！

不死人喬文傑 演盡古今角色