金像獎2022｜54歲林家棟成就多人奪獎 重溫「民選影帝」為電影的無私奉獻
林家棟0片酬 對前後輩超好 獲民選影帝
林家棟早前拍戲時，一埸佈滿不同大小的石頭的外景埸面，抱著小孩跑的林家棟因為保護小朋友而不小心倒地送院而備受好評。而昨晚林家棟於《第40屆香港電影金像獎》憑《手捲煙》、《智齒》2部電影榮獲最佳男主角提名，繼2017年憑電影《樹大招風》再次角逐影帝殊榮！2項提名最佳男主角的林家棟卻扶著謝賢奪影帝、小心翼翼幫謝賢戴口罩等。繼而再爆出林家棟0片酬支持新導演陳健朗拍《手捲煙》，由他親自監製的電影《殺出個黃昏》中，願意俾新晉演員鍾雪瑩同顧定軒機會！網民都表示超欣賞林家棟，其行為令人敬佩，以及對前後輩都超好，即被選獲為「民選影帝」。網民：「好型」「林家棟已經係影帝」「又唔收片酬 受咗傷都咁照顧人」「香港電影真係靠晒東莞仔同jimmy仔」「佢對香港電影算好出心出力，智齒同手捲煙兩套都好x好睇，唔講一唔講三講義，唔講風唔講雨講雷，夠雷氣呀家棟！」「佢近10年真係令人另眼相看」「出錢出力支持香港電影」「拍開杜蛇都係義氣仔女」。
林家棟陪四哥上台領獎好感動
頒獎禮的晚上，奪得影帝的謝賢由林家棟陪同下走上頒獎台，全場觀眾起立掌聲如雷，林家棟對四哥說：「你係咁多年嚟攞影帝，唯一一個全場企起身拍手！」謝賢在台上半拉下口罩，神情激動說：「多謝大家！」而林家棟跟大家說醫生叮囑謝賢不要脫下口罩。問到謝賢是否有更多感言跟大家說，謝賢握著影帝獎座笑言：「我唔識講，我淨係識攞呢個嘢咋！」
四哥謝賢 被林家棟一句說話氹掂除黑超
電影《殺出個黃昏》由林家棟監製、高子彬執導，謝賢（四哥）、馮寶寶及林雪主演，林家棟透露今次四哥肯除超，全因他和導演高子彬親自出馬遊說，他說：「其實四哥唔係介意除眼鏡演戲，問題係佢唔熟我林家棟、信唔過我，驚我哋只係玩玩吓當噱頭，搞爛佢招牌。所以喺拍攝前，我同導演同佢見過4、5次面，畀佢了解到成個故事係講乜嘢，我哋想佢演得貼地一啲，同埋重現佢凌厲嘅眼神！」
影后劉雅瑟亦多謝林家棟
在《第40屆香港電影金像獎》的頒獎台上，除了四哥謝賢需要家棟支持之外，其實影后劉雅瑟在分享得獎感言時亦有開名多謝林家棟，劉雅瑟曾在接受訪問時表示，林家棟在《智齒》的拍攝過程中受到林家棟啟發了很多，與家棟拍攝時，他更完全配合劉雅瑟去演，讓她變得好看，大讚家棟無私。
林家棟1988參加TVB藝員訓練班入行
林家棟於1988參加TVB藝員訓練班而正式入行，展開了10年的跑龍套生涯，曾經參加超過100套電視劇的演出！而最為人所知就係《茶是故鄉濃》，擔正男主角。
毅然離巢轉投電影圈 息影3年為甩TVB陣味！
喺TVB捱了10年的林家棟，已係一線小生無誤，但佢毅然放棄TVB，離巢轉投電影圈發展，從新出發，再由小角色做起！2001年時林家棟經萬梓良介紹認識了劉德華，簽約旗下公司，開始接拍電影。不過事情並沒有太順利，當時劉德華突然要求林家棟息影3年，指因為「電視味太重」，無法再突破演技的問題。
拍戲超認真 林雪：我心入面有6個字！
林雪曾於有線電線一個訪問節目中億述與林家棟第一次合作的事情，佢指林家棟好緊張而且要求好高「係入咗魔」，當時拍攝《黑社會》林家棟搶返龍頭棍一幕時，原來佢真係真打在林雪身上！林雪表示：「我心入面有6個字！我問佢駛唔駛呀！？」
