野人老師 │ Stanley憶考公開試失準攬住Miss喊 Frankie最驚呢種昆蟲
Stanley鄭丹瑞演教師父子
ViuTV由10月起推出的5套劇集為《野人老師》、《季前賽》、《繩角》、《百萬同居計劃》和《心靈師》。32歲的MIRROR成員Stanley在下周一播映的新劇《野人老師》中，首次做男主角，更第一次獻唱劇集主題曲《重新介紹》。劇中鄭丹瑞與Stanley飾演教師父子，Stanley本是補習天王，但因醜聞而被逐出補習社，他返回成長地坪澳灣，並在爸爸建立的鄉村小學中，理解真正的教育理念。
Stanley：低咗兩個grade
Stanley與Frankie在宣傳片中，分享讀書時的難忘經歷，Stanley回想當年考公開試失手︰「原本我對某科好有信心，亦溫咗好耐書，目標係拎一定嘅成績。但我記得拎成績單嘅時候，係（較想像中）低咗兩個grade，我好錯愕，直情要去覆卷，睇下點解會咁樣。我記得睇到成績一刻，我即刻攬住Miss喺度喊，佢陪伴我一齊成長，佢見證我咁努力，好似同我一齊去作戰嘅隊友，佢都唔明點解我（成績）會咁樣。」
Frankie被蜻蜓襲擊留陰影
至於Frankie則自爆最驚昆蟲︰「讀小學時去自然教育旅行，野外好多昆蟲，實在太多蜻蜓，好似向我襲擊咁樣，自此之後我就好驚蜻蜓。」他笑言中學時去學校旅行，叉錯腳誤踩泥氹，但他怕瘀不想給別人知道，結果整天穿着濕透的鞋襪：「返到屋企我成隻腳板都起晒水泡，好似好污糟咁，以後都唔去呢啲地方。」
談善言與Stanley是中學同學
談善言現實中和Stanley是中學同學，她表示今次合作可以發揮多年朋友的默契，雙方都十分信任對方。談善言大爆Stanley在中學時期已是風頭躉，表演慾好強，又參加歌唱比賽，又做社長又行catwalk。反而談善言沒想過自己會入行。曾屬紅社的Stanley聞言開玩笑指自己最紅的時間係中學，仲紅過而家！
鄭丹瑞望儲齊MIRROR簽名
鄭丹瑞表示今次首次與Stanley合作拍劇演父子，大讚對方了解和用心分析角色。他笑言Stanley十分乖巧，因為第一次圍讀時就已送上MIRROR紀念品，令他十分開心，並表示希望可以儲齊12子的簽名，然後在家人面前「攞出嚟威」。
Stanley紅館事故後籲團結
MIRROR紅館演唱會意外後，Stanley發文透露自己於意外後反思和沉澱了一段時間：「呢段日子好容易跌入一個小漩渦，會不停問為何會這樣？ 為何會是我們？ 如果這樣會怎樣？很多很多個為什麼，很多很多個如果。但沉澱下來，或許這正是一個考驗給我們，叫我們要更強大，叫我們要更團結，叫我們要更互相保護彼此。 所以我相信我們12+24會更強大地，會更團結地，一起站上舞台再次揮舞！」
林作抽水被鏡粉轟：死X開啦
Stanley成段文本身好正面，點知林作主動留言：「輪更咁輪流一日一個出post（被林作拆穿後，停咗兩日，然後繼續），信（訊）息一模一樣。難為了他們。真正需要回應的，卻仍然未走出來。」似乎意指MIRROR成員玩公關技倆，鋪路準備再演出。鏡粉群起留言：「死X開啦，淨係識抽水」、「收下把口，積下福、搞事唔會係叻」。林作只留言「已report」，高EQ不帶情感，隨後借機宣傳自己間保險公司。
