鄭雨盛獲林青霞賀生日：多謝施南生
廣告
韓國影星鄭雨盛剛在4月22日度過45生日，當日佢正在意大利烏甸尼出席《第20屆烏甸尼遠東電影節》，宣傳由佢主演嘅韓國電影《鋼鐵雨》，生日宴上原來「大美人」林青霞都有現身為鄭雨盛賀壽，據知當日宴會由兩人共同嘅好友施南生操辦，因此鄭雨盛特別在IG寫上「Thanks Nan sun.」(多謝施南生)。
撰文：東方新地｜圖片：新傳媒圖片庫
鄭雨盛 讚林青霞係亞洲傳奇
韓國型男鄭雨盛去年主演嘅韓片《鋼鐵雨》獲選為《第20屆烏甸尼遠東電影節》嘅開幕電影，而林青霞就獲大會頒發「終身成就金桑獎」，鄭雨盛在po出生日合照同時表示「With Asian legendary actress Brigitte Lin(林青霞英文名).」仲話「Thanks Nan sun.」
鄭雨盛生日宴上除咗有女神林青霞，仲有施南生同林青霞愛女邢愛林。
鄭雨盛去年主演嘅韓片《鋼鐵雨》。
林青霞 攞終身成就獎
林青霞今次去意大利係為咗攞《第20屆烏甸尼遠東電影節》頒發嘅「終身成就金桑獎」，頒獎禮上佢由第17屆金桑獎得主施南生手上接過獎項。
林青霞愛女邢愛林亦秘密飛到意大利為林青霞送上超級驚喜，令佢非常感動。
邢愛林大露背賀媽咪林青霞，獲林青霞開心攬攬。
林青霞因《東方不敗》等電影紅遍亞洲，韓國不少網民都驚訝佢同鄭雨盛原來係好友。
林青霞話：「《重慶森林》令到遠離香港十萬八千里嘅意大利人Sabrina 和Thomas有咗夢想，並成功創辦咗遠東電影節。因此喺電影節成立20周年攞到呢個終身成就獎，對我、對王家衞、對遠東電影節嘅Sabrina同Thomas都具有深厚嘅意義。」
延伸閱讀：
古天樂首奪影帝 多年來低調行善 內地建逾百學校
關鍵詞
林青霞
