原來入行25年！那些年鄭嘉穎也是純情小鮮肉

鄭嘉穎 93年初出道小鮮肉

鄭嘉穎93年出道，當年24歲小鮮肉嘅佢青靚白淨，拍埋大佢兩年兼已出道兩年嘅女歌手唐韋琪，同樣散發無限青春。

94年仲未滿25歲嘅鄭嘉穎替某純寫真雜誌影咗輯靚相，呢個含情脈脈純情美男媾死女look，當年冧死唔少女fans。

鄭嘉穎呢個抱結他嘅相，靚就靚但rock電結他唔啱mood，改抱木結他就啱晒咁靜態嘅格局嘞！

鄭嘉穎同王馨平都係93年出道兼同公司，經常合唱、同台演出，94年終擦出愛火花，但雙方死口唔認拍抱，呢次喺商台某活動上同台合唱，但為避嫌企到開一開，到後嚟先慢慢公開。

相中嘅鄭嘉穎目光如炬，繑住手笑晒口，好似話俾大家知佢對樂壇同前途都充滿信心，原來佢啱啱攞咗第六屆叱咤樂壇流行榜頒獎典禮「叱咤樂壇生力軍金獎」。

鄭嘉頴出道首年即連奪叱咤樂壇流行榜頒獎典禮「叱咤樂壇生力軍金獎、十大勁歌金曲頒獎典禮「最受歡迎男新人銀獎」、十大金心情歌頒獎典禮「本地金心新人獎」、十大中文金曲頒獎音樂會「最有前途新人獎銅獎」四喜臨門。

97年鄭嘉穎被迫到台灣發展，但工作少窮到燶，99年為生活喺林志穎版台劇《絕代雙驕》演反派江玉郎，憑帥氣演出獲無綫賞識邀回港簽約，到04年《翡翠戀曲》終首次擔正男一。

16年鄭嘉穎喺劇集《殭》演不死人，而劇中陳凱琳不斷畀嘉穎拒愛，為同佢喺埋一齊自願被咬成為殭屍；現實中，嘉穎同凱琳喺拍攝《殭》期間擦出愛火花，係兩人嘅定情劇。

06年鄭嘉穎同周麗淇喺《天幕下的戀人》再度合演情侶，嘉穎憑俊朗幽默、官仔骨骨、風度翩翩嘅演出，榮獲萬千星輝頒獎典禮「最佳男主角」首奪視帝。

11年鄭嘉穎再憑《怒火街頭》破格地痞律師Law霸一角，連奪萬千星輝頒獎典禮「最佳男主角/最受歡迎電視男角色」、馬來西亞MY AOD我的最愛頒獎典禮「我的至愛男主角」、新加坡星和無線電視大獎「我最愛TVB男藝人」、亞洲電視大獎「最佳戲劇男主角」，成五料視帝。

關鍵詞