糖尿纏身多年 67歲鄭則仕憔悴出關
因為長年要控制糖尿指數,愛吃的鄭則仕無時無刻都提醒自己要戒口同忍口,年輕十四年的老婆林燕明亦貼身照顧他,一日三餐盡量親自下廚,為67歲的鄭則仕守住健康,繼續拍多些好戲。
撰文：東方新地 圖片：新傳媒圖片
67歲鄭則仕 憔悴出關
鄭則仕(Kent哥)因身形肥大外貌亦不標青,早年入行總是做配角,至85年他自編自導自演《何必有我》,在戲裡飾演「肥貓」一角殺出新血路,更令他獲得了香港電影金像獎第五屆最佳男主角,此後事業一帆風順,可惜在九十年代他與友人開電影公司欠下2千萬人民幣債務,在老婆林燕明的扶持和鼓勵下,他奮力工作還清債務。
18年精靈拍劇 230磅
去年中開拍無綫劇《荷里活有個大老千》時，鄭則仕精神狀態非常好，當時體重約230磅。
19年 約200磅
體重曾達280磅的鄭則仕，這日卻見清減了不少，目測現時只有200磅左右，樣子亦顯得憔悴。
曾揚言終身不入無綫早年鄭則仕曾絕跡香港幕前,主力在內地拍劇,06年他選擇重返無綫,無論是時裝的《金石良緣》、《老友狗狗》及《情越雙白線》,還是古裝的《盛世仁傑》及《造王者》,他都將角色掌握得恰如其分。至12年鄭則仕因合約問題而與高層曾勵珍及樂易玲起衝突,最終決定離開無綫,並在微博發表「終身不入無綫」的言論,其後再次轉往內地發展。
招牌三下巴消失
無綫新劇《荷里活有個大老千》正在熱播，男主角鄭則仕日前出關現身筲箕灣，招牌三下巴不見了，頭髮變稀疏，眉毛亦變成灰白。
趁老婆李燕明去了街市買餸，鄭則仕走到便利店買煙及為八達通增值。
扎根香港的鄭則仕,與太太林燕明婚後育有一女一子,大女已27歲,細仔都22歲,由於在國內發展非常奔波勞碌,再加上兩個子女都在港讀書及工作,他最終亦被監製梁材遠成功游說回巢,據知情者透露:「Kent哥係監製梁材遠嘅御用演員,之前有佢主演嘅劇都有收視保證,雖然佢當年係同高層有衝突而離開無綫,但呢個世界邊有永遠敵人㗎?只要有誠意再加上銀彈誘惑,Kent哥乜都唔記得晒啦! 15年佢以自由身拍《火線下的江湖大佬》,去年就改簽部頭合約喇!」不過鄭則仕不保證會出席劇集的宣傳活動,最近新劇《荷里活有個大老千》四出宣傳,到結局篇最後一次宣傳,才見其影蹤。
老婆林燕明貼身照顧
鄭則仕娶到個賢妻,為了煮健康住家飯,老婆林燕明獨自去街市買餸,而老公就坐在車內等。
拍劇食無定時
據知農曆新年前與劉德華合作拍完新片《香港地》,鄭則仕正處於休息狀態,因為去年為無綫連拍兩部劇,日夜顛倒的工作時間後生仔都未必捱得住,更何況他已經67歲,而且更被糖尿病纏身多年。知情者透露:「睇Kent哥咁多年都keep住咁嘅身形,就知佢三高(高糖尿、高血壓及高膽固醇)應該都走唔甩,佢講過自己有糖尿問題多年,不過佢一路都好小心控制飲食,所以病情唔係好嚴重。以往Kent哥出外工作都有老婆照顧,但喺無綫拍劇真係日接夜夜接日,Kent嫂有時都未必跟得咁足,糖尿患者要定時進食,進食份量亦要限住,仲要不時篤手指驗血測試糖尿指數有冇超標。拍劇已經咁辛苦,Kent哥好多時都會鬆懈咗,不過只要Kent嫂喺身邊,佢就會好聽話。」暫時未有劇開的鄭則仕,現階段日日在老婆林燕明監管下生活。
殺入筲箕灣街市
雖然一家住在港島南區碧瑤灣,但林燕明平時喜歡去筲箕灣街市買餸,去到魚檔即打電話畀在車上等的鄭則仕,報告當日有咩魚啱食。
日前(2月9日)下午三時許, 鄭則仕駕車載住老婆林燕明離開港島南區碧瑤灣寓所,前往筲箕灣街市買餸。現場所見,鄭則仕全程坐在車內等老婆,期間林燕明與他保持通話,問他想食邊種魚,二人非常有默契,林燕明最後買了一條400元的石蚌魚及脆肉鯇,以及大量蔬菜。去完街市把餸放到車尾箱,林燕明又去茶餐廳買外賣返上車與鄭則仕一起分享,兩公婆食飽飽才返家玩煮飯仔。
擦海鮮戒澱粉質
入行四十多年的鄭則仕身形如一,體重曾高達280磅,因為糖尿問題要定時覆診,多年來亦要注意飲食,不用開工及應酬的日子,大多由老婆林燕明下廚,食住家飯才能保證食得清淡及健康,而糖尿病患者不能攝取過量糖份及澱粉質,所以鄭則仕改吃海鮮及多吃蔬菜,實行少肉多菜均衡飲食。或許近年食得清淡,當日本刊記者見鄭則仕與老婆出關買餸亦清減了不少,其招牌三下巴不見了,拍劇時黑漆漆的頭髮與眼眉亦變成灰白,頭頂上的頭髮亦見稀疏,面容顯得有點憔悴。
外賣醫肚
林燕明離開街市先把餸放回車尾箱，再去附近的茶餐廳買了一大碗麵，已53歲的林燕明身形keep得甚弗，現在仔大女大不用照顧，她就做跟得夫人，照顧鄭則仕日常生活飲食。
雖然被糖尿纏擾多年,但鄭則仕早前坦言自己身體依然健康,因為已經習慣血糖高要小心飲食,擔起成頭家的他亦知道健康的重要性:「當你已經有一頭家,就要注重健康,因為你健康才令佢哋有信心,當然我亦有為食嘅時候,食完之後都要戒口幾日,我覺得每樣嘢都可以享受,但要有節制,得閒就會打保齡球當運動一下。」自己知自己事,鄭則仕識得為家人著想,絕對係廿四孝老公同爸爸。
繼續煙駁煙
為糖尿病食得健康的鄭則仕，多年煙癮難戒，趁老婆行開買外賣，煙駁煙打發時間。
控制飲食
患糖尿要食得清淡,所以鄭則仕近年多吃沙律及海鮮,長時間需要戒口。
勤碌保齡
鄭則仕是保齡球高手,曾自詡技術叻到連有意打職業賽的劉德華也甘拜下風。他表示有空閒的話會一星期打五日,並視為一種運動,有效幫助減肥。
愛吃的鄭則仕有時也會放縱自己大吃大喝，尤其是早年在國內拍劇，老婆不在 身邊，面對各式美食又冇王管更難忍口。
糖尿之友
與鄭則仕同病相憐患糖尿病的圈中人不少,當中包括萬梓良與吳孟達。
61歲萬梓良
萬梓良(萬子)自爆因患上嚴重的糖尿病要打胰島素,導致暴肥60磅,血糖指數一度高達15點幾,但萬子勤做運動,配合良好飲食習慣,指數已回落至9點幾,情況已有改善。佢仲曾經狂呻話老婆同個仔都監管住佢飲食:「以前我係飯桶,依家要等老婆配給幾匙羹飯,So What!」除了太太同兒子的幫助,他積極跑步做運動及睇中醫抗病,雙管齊下。
66歲吳孟達
2014年吳孟達因病毒感染致心臟衰竭,送入 ICU搶救,病癒後戒煙戒酒,但近年卻被糖尿病所困,吳孟達承認:「我有糖尿病已經兩年了,主要靠西藥控制住,控制得幾好,食飯食七成飽,澱粉盡量少食,幾乎夜晚都唔食飯。到咗呢個年紀,三高應該有嘅都會有,唔應該有嘅都有,自己小心啲囉!」以前放縱飲食的他,現在自動飲食清淡。
神級演技
日前《荷里活有個大老千》劇情講到鄭則仕收到電話要去殮房認屍，看到心愛的張慧儀死得如此慘痛，他按捺不住自己的情緒,在殮房中咆哮。雙料影帝演得聲淚俱下,被網民指演得太過誇張,那聲咆哮十足球員補時入波一樣興奮,引起網民熱烈討論。
美滿家庭
鄭則仕擁有一個幸福的家庭，老婆林燕明早年也是藝人，比他小14歲，二人是在拍戲時認識結緣的，已攜手走過20多年的幸福婚姻。
早年鄭則仕經常抱女出鏡，當年父女如餅印一樣。
鄭則仕四十幾歲才為人父，對於教育子女，凡事會平心靜氣講道理，他認為小朋友接受的家庭教育絕對大過社會教育，需要讓他們打好根基，再讓他們自己出外闖，做一個盡責任的父親。如今女兒已27歲、兒子已22歲。
早前鄭則仕生日，一班藝員為他慶祝，陳煒在微博上載他與老婆林燕明及女兒的合照，長大後的女兒似媽咪多一些。
活躍拍電影
近年鄭則仕回歸香港大銀幕,前年與劉德華合作拍電影《追龍》叫好叫座,早前二人再結片緣。
簽部頭拍劇
去年3月鄭則仕以部頭合約簽無綫拍劇,除了正熱播的《荷里活有個大老千》,還有《街坊財爺》及《廉政行動2019》未出街。
延伸閱讀:
同林燕明相愛27年 鄭則仕:我一生最多謝嘅女人!
《荷里活有個大老千》最近熱播中，劇中男主角鄭則仕（Kent哥）大晒演技！不過，現實中嘅鄭則仕原來過往嘅人生經歷咗唔少起起跌跌，同時亦佢遇上生命中嘅一位林燕明，更曾揚言：「係我一生最多謝嘅女人」！
撰文：東方新地｜圖片：東方新地、劇照
鄭則仕與太太林燕明相愛27年
現時67歲嘅鄭則仕於演藝圈拍劇多年，現已成為人人口中嘅老戲骨。然而，Kent哥出身自貧困家庭，於天台木屋長大，自小熱愛戲劇，因參加TVB舉辦嘅《聲寶片場》演技比賽，成功奪得總冠軍，而加入TVB踏上演藝路！
入行幾年，Kent哥已兼任演員、導演、監製，1985年自編自導自演嘅《何必有我》，憑飾演弱智少年「肥貓」首奪影帝，期間片約不斷，一度成為香港片酬最高嘅喜劇演員之一，不但住千呎豪宅，仲請2個工人服侍，出入揸平治！
36歲時，Kent哥遇上生命中唯一一位最愛，就是比Kent哥細14年嘅林燕明。拍拖2年後，二人1991年拉埋天窗，大擺69圍請嚟唔少明星好友。婚後嘅林燕明為老公Kent哥生咗一仔一女，自始專心相夫教子。
可惜好景不常，Kent哥因與友人合資開電影公司經營不善欠債高達1700萬，Kent哥最後賣車、賣樓兼搬去幾百呎單位，用自己以往賺落嘅片酬，以求自己還清債項！幸然，喺Kent哥人生低潮時，好老婆一直不離不棄，支持及安撫老公，唔介意一家人慢慢捱。
Kent哥曾指老婆生活慳儉，拒用名牌，仔女11歲前都係喺出口店買平衫著，並慶幸一家人都毫無怨言，齊齊為頭家努力。雖然要計住生活支出，但林燕明依然好愛Kent哥，認為跟住老公一啲都唔辛苦，仲反而好幸福！
1997年，Kent哥事業開始有起色，憑電影《三個受傷的警察》再度拿下影帝。其後為生活，Kent哥返大陸拍劇。據了解，劇接劇嘅Kent哥每日只瞓6個鐘，最終靠自己成功將所有債務還清，把自己所賺的錢交給老婆管理。
原來林燕明投資都有一手，之後幫Kent哥投資4間物業全部合共賺1300多萬！雖然一家人苦盡甘來，但依然保持慳家生活方式，據知每次一家人外出吃飯絕唔超過$200，而自己買餸煮飯更會同檔主講價！
