鄭伊健高EQ化解「小朋友不知他是誰」尷尬場面受讚賞 網友諗起1位男藝人做對比
廣告
曾經憑《古惑仔》系列電影風靡一時的90年代男神鄭伊健,現年57歲,被網友爆料指已不被新一代認識,不過面對「小朋友不知他是誰」的場面,伊健卻十分淡定,更輕鬆以1句說話化解尷尬,獲網民大讚高EQ!
鄭伊健升降機內偶遇粉絲
鄭伊健的經典作品《古惑仔》系列,對於現今的年輕人來說,可能聽都未聽過。最近,一位社交網專頁版主在升降機內偶遇鄭伊健,於是讓兒子向他打招呼,接著問兒子是否認識鄭伊健,兒子回答說不認識。這時,鄭伊健淡定回應:「你個仔唔會知我係邊個!佢而家眼中只有手上的遊戲卡同朋友仔。」輕鬆化解了尷尬場面。
這位版主在講述今次經歷的同時,亦大讚伊健好有禮貌而且謙卑:「再三證實,一個滿有童心的人,一定會很了解小孩子的。50年後,應該會有人記得鄭伊健,而應該沒有人記得我吧,一個時代,終結之時,也讓自己學習放下自我,放下執著,學習謙卑。」
網民不解:點解佢覺得10歲仔會識鄭伊健
不少網民都紛紛大讚伊健高EQ,同時不解這位家長為何認為兒子一定會認識伊健:「2010年代出生人士,當然唔識90年代嘅男星」、「唔好話小朋友,依家要你講10個大你50歲嘅藝人都未必講得出啦」、「點解佢會覺得10歲仔會識鄭伊健,仲要當住人面問識唔識佢」、「好多初中都唔識佢」、「你問啲𡃁仔四大天王都未必知啦」等。

梁烈唯「大支嘢」傳聞被重提
更有網民重提梁競徽(前名梁烈唯)在酒店「大支嘢」講「我喎」的傳聞,直指「所謂明星」同伊健有好大對比。事沿梁烈唯曾被酒店員工爆料,指他去酒店前枱要求參觀ballroom時,勁無禮貌兼指住自己個鼻問:「我喎,唔識?你……你經理會識得我。」點知經理是外國人,梁競徽英文差立即笠水,最後只講咗句「Thank you」就離開!
呢件事當日在網絡瘋傳,梁烈唯曾爆seed回應,指自己是龍的傳人,不可被人欺負,唔認衰仲九唔搭八。到早前梁烈唯接受訪問時,都有講番件事,仲話自己依家成熟好多,只會努力工作去養家。此外他還自爆:「當年我拍完第一套電影之後呢,我就唔敢搭巴士、地鐵,覺得自己唔可以搭,因為嗰時我諗『死啦,啲人會認得我』。」自以為好紅,拒坐巴士!