拍拖半年同遊蘇梅 王子細佬讚鄧麗欣好服侍

撰文：東方新地 圖片：新傳媒圖片、鄧麗欣IG

王子細佬讚鄧麗欣好服侍

逢喜事唔止精神爽,連把口都疏過平時。攞完《 第16屆紐 約亞洲電影節 》獲得「 亞洲新秀獎 」,Stephy 回港出席活動首露 面,欣然接受記者祝賀,亦都承認埋同台灣藝人王子的新戀情。 外傳二人四月撻著、五月出遊,據知情人士透露,其實當年在金 牌大風旗下已經係同公司藝人,不過真正行埋就靠媒人應采兒去 年拉攏頻頻飯聚,早過四月、其實今年二月 S t e p h y 已經同王子港 台兩邊飛私會,由舊同事變情侶。拍拖半年正值熱戀期,上周五(20號 ),二人又再隔空傳情,放閃放到雙方粉絲都話被閃親。

早於今年四月 開始傳出緋聞,今年五月王子來港開騷,Stephy還不避嫌 到場力撐,兩個月後,終於詢眾要求認愛。

蘇梅之行王子同Stephy都保持神秘,不過毛弟就狂po villa內外照片，可見眾人入 住高私隱度豪華villa。

雖然公開戀情，但Stephy、王子都合拍唔肯多講兩個多月前同遊蘇梅,而當時Stephy和王子都只是同日上載單人無敵海景照。

最新隔空傳情

仍然係熱戀期二人經常在社交網絡傳情放閃，上周五( 20日)，疑似飛往紐 約工幹的 Stephy讚日落日出美，王子秒覆讚埋女友「我只知道都很美」，然後Stephy又神回:「聽說美會傳染」。

上一段十年情過度曝光仲做埋電影情侶檔,對雙方都構成壓 力,結果婚訊變分訊,今次雖然大方認愛,Stephy 拒絕再將戀情 掛在口邊:「 我想低調先,根據我過往經驗,感情係兩個人嘅 事,身為藝人變得好透明,低調係想保護戀情。」

毛弟踢爆

Stephy、王子想調,王子有個豬細佬,想低調都難,有份同行遊蘇梅的王子胞 弟毛弟卻在台北出席活動時大爆行程細節,話同行除咗 S t e p h y、 王子,仲有兩、三 pair 情侶,又讚 Stephy「 很有姊姊的感覺 」,在 旅程中會負責服待眾人:「 哥哥很帥,難得看他公開認愛,我有放 圖貼去家人群組,爸爸媽媽也都有讚好。以前是偶像團體的關 係,會覺交女生朋友都是一種錯,現在覺得交朋友很自然,可能 他年紀也到了,希望大家祝福他們,給他們一點空間。」口裡話想 低調,叫大家畀空間,轉頭忍唔住網上打情罵俏,難得唔使好似 同前度咁偷偷摸摸,Stephy 應該唔會怪毛弟爆響口!

王子細佬上周在台灣出席活動時就踢爆曾與阿哥、 Stephy及兩、三pair情侶同遊蘇梅,仲讚Stephy在整個 遊程都好體貼地照顧大家。

相戀以來,Stephy同王子都被踢爆密密飛、港台兩邊 走爭取時間拍拖,出發紐約前 Stephy帶埋助手去大 埔買外賣,甜到漏 order大量食物,疑似又係買回家 招呼秘密訪港探自己的王子。

一早已經係舊經理人公司金片旗下同事，Stephy同王子相識多年，不過撻得著就全靠媒人應采兒去年約食飯撮合好事。

鍾情姐姐

一向有鋪姊弟戀癮，王子14年曾經戀上年長五歲楊丞琳，更被踢爆同遊美國，不過為事業王子未肯認愛，楊丞琳多年後亦表示歷任男友被王子傷得最深。

王子粉絲心碎

當年為安撫粉絲承諾過直到結婚才會公開戀情，今次認愛Stephy，王子不少忠粉鬧爆王子食言、亦直指係Stephy逼王子公開。

撻著幾個月，王子同Stephy已經被雙方家人接受，Stephy試過帶埋媽媽去戓灣遊玩見王子家人。

今年五月Stephy一家人為媽媽慶祝母親節，亦有指王子同在飯局現場，更是負責影相嗰個。