地獄廚神鄧紫棋回歸美女廚房 靠呢道家常小菜奪美女廚神之名
廣告
鄧紫棋（G.E.M.）細細個就出道，18歲時仲上過TVB節目《美女廚房》，當年煮出震驚宇宙嘅「絲瓜蠔仔煮魚蛋」被封為地獄廚神第二位。不過G.E.M就未有放棄，經過TVB都停一停低，拍攝新一輯《美女廚房》，仲靠一道家常菜勝出。
撰文：東方新地｜圖片：節目截圖、Instagram
地獄廚神鄧紫棋回歸美女廚房 靠呢道家常小菜奪美女廚神之名
事隔9年，上輯地獄廚神第二位嘅G.E.M.今年重出江湖，再次黎到美女廚房，希望洗脫污名。第一道指定菜式係「生炸芝心鴨丸配鮮橙醬」，不過G.E.M就唔夠膽斬鴨頸，搞到張振朗都忍唔住要出手相助。
煮到出嚟個賣相又唔係好差，不過評判就話得3個真係唔知邊個食好喇。
睇落無咩嘢，不過G.E.M試食時都忍唔住要吐返出嚟，原因係未熟！嘉賓陳家樂就話舊肉生過衛詩雅嗰舊，畀少少面食咗一細啖，好似好難食咁。
相反，坤哥、蕭正楠同美女學徒就勁讚！
對於今次以番茄炒蛋勝出，佢覺得好不可思議，佢係受訪嘅時間講到自己跟爸爸學煮嘅第一道餸就係番茄炒蛋，佢都有嘗試好多唔同嘅配方，配搭。
第二道菜嘅指定食材係墨魚，然後再由3位美女自由發揮。G.E.M同之前斬鴨一樣又係唔敢掂墨魚，今次到坤哥幫手。不過墨魚認真搞鬼，噴晒啲墨汁落坤哥到。
G.E.M決定煮番茄炒蛋加多個炒墨魚，仲大讚自己平時整開嘅番茄炒蛋好好味！
碟餸賣相都唔差喎！評判仲高G.E.M改碟餸個名好有諗頭。
G.E.M話每個男人食完呢道菜都會有返屋企嘅感覺！
所有人都一致激讚！
G.E.M感動到話過咗9年終於覺得自己大個女，可以嫁人。唔知有邊位男士咁好彩呢？
最後G.E.M以85.27分勝出，成為美女廚神。
送多幾張相俾大家睇睇，係新一集嘅劇照。
一齊重溫下九年前地獄菜式，真係搞到班主持差啲入廠。
一齊回顧當年片段！
