鄧健泓背石詠莉「曳曳」 老婆嬲到喊咗出嚟！
撰文：東方新地｜圖片：微博、Instagram、Facebook、新傳媒圖片庫
石詠莉為音樂會擔任表演嘉賓
日前，石詠莉（Sukie）與布志綸及J.Arie等為音樂會擔任表演嘉賓之一，並唱出一首80年代的歌給粉絲，同時表示因為自己近幾年少咗唱以前翻唱的作品，而之前岀咗自己的單人專輯，所以亦希望可以唱新歌給大家聽。
Sukie表示當自己見到比較年輕的歌迷時，例如90後或者00後，當對方跟她說不知道這首是翻唱歌，因為聽咗Sukie的版本才去找回原唱來聽。
她認為歌迷尋回原唱的過程會令大家聽到懷舊金曲，感動之餘，亦猶似一種使命感。
石詠莉爆老公鄧健泓背住「曳曳」
不高，當提到老公鄧健泓主演的網絡電影《掃黑神探》播放短短幾天後便突破千萬點擊，Sukie雖戥老公高興，但同時亦投訴不滿老公與何佩瑜有親熱場面！
她指老公在拍攝前跟她說沒有親熱戲，但其後突然Facetime她，指自己拍了一場親熱戲。Sukie坦言當時候有嬲，嬲鄧健泓反口，而且Sukie仲指自己得知後有少少眼濕濕！
Sukie再爆指最嬲老公截圖其喊樣，之後番屋企再拎出嚟笑，仲話要Send畀其他朋友一齊笑咁講！
之後石詠莉就笑言自己不是不批准老公拍親熱戲，只是想要有一些心理準備。
鄧健泓老婆大爆「家暴」事件
石詠莉（Sukie）與張惠雅（Regen）現身大埔超級城出席活動，期間二人更調製夏日消暑飲品。活動期間，Sukie表示自己最近忙於準備新碟外，同時亦為舞台劇排練，指自己經常搵老公鄧健泓幫手排戲，卻有次意外發生「家暴」！
石詠莉被摑一巴
Sukie透露，指劇情關於家暴，因此老公按情節需要而打她，點知鄧健泓就一巴摑落Sukie度，加上可能老公太入戲，成件事太逼真，令到二人當場即時呆咗！
鄧健泓做戲做全套
Sukie續指被摑後，鄧健泓跟住話「The show must go on」，但事後都有對她講聲Sorry。至於大唔大力，Sukie就話本以為老公作狀，不過好在都唔大力，但好笑在老公唔係第一時間講Sorry。
鄧健泓 石詠莉大婚
44歲的鄧健泓和31歲的石詠莉拍拖五年，終於開花結果，二人於假九龍灣國際展貿中心的The Glass Pavilion舉行婚禮，夜晚在同一地方擺喜酒。
見到新郎鄧健泓身穿啡紅色格仔禮服，而石詠莉則挑選了一襲低胸露肩婚紗，頸配一條羽毛狀的頸飾，簡潔又高貴！
晒結婚戒指係指定動作吧！
兩人企喺布景板前供傳媒影相，更有求必應連咀兩次！
問到兩人五年之間經歷的風風雨雨，鄧健泓表示風雨並唔係好多，但經歷的事情不少，譬如事業上的困難、難關、際遇等。如果冇以上咁多既事情發生，冇經歷咁多野，可能兩人唔會走到拍拖呢一步。而石詠莉在旁聽到呢一句就鬼馬回應：「你就想呀！」
石詠莉表示好感恩識到老公鄧健泓，因為除了屋企人外，佢從未見過一個人如此無條件、如此不求回報的為自己付出。而鄧健泓則稱承諾唔係講就得，始終係要做，所以自己都不斷努力做令老婆更好。最後當然唔少得問問兩位新人的造人計劃，佢哋就好例牌地話順其自然，始終結婚後仲有好多工作等緊佢哋！
婚禮場地一覽～
